Zarehistravanaje damiennaje imia maximabelarus.by.
Bujny prybałtyjski rytejłar Maxima, jaki raniej adchryščvaŭsia ad prychodu ŭ Biełaruś, usio ž aficyjna paznačyŭ svoj intares da našaj krainy, zarehistravaŭšy damiennaje imia maximabelarus.by.
Pavodle infarmacyi cctld.by, uładalnikam damiena značycca zarehistravanaja ŭ Vilni Maxima Group.
Maxima Group kiruje pradpryjemstvami roźničnaha handlu ŭ piaci krainach, jakija składajucca z 485 handlovych centraŭ Maxima X, Maxima XX, Maxima XXX,
Varta adznačyć, što Maxima Group zavieršyła ŭhodu pa nabyćci 100% akcyj polskaj roźničnaj sietki Aldik Nova tolki ŭ lutym hetaha hoda. Da litoŭcaŭ adyšli 21 krama, piakarnia i kandytarski cech hetaj sietki. Pa słovach hiendyrektara Maxima Group Mindaŭhasa Bahdanavičusa, «my nabyli handlovuju sietku, idučy za stratehičnym napramkam dziejnaści, što praduhledžvaje pašyreńnie ŭ zamiežnych krainach». «Asnoŭnyja stratehičnyja napramki našaj dziejnaści ŭ 2012 h. zastajucca raniejšymi. Hrupa płanuje praciahvać umieranaje raźvićcio za miažoj», — skazaŭ jon.
Viadoma, što
dla dziejnaści ŭ Biełarusi stvoranaja litoŭskaja kampanija Glera. Jaje ŭznačalvaje Aŭrymas Namajuška, jaki kala 10 hadoŭ prapracavaŭ u strukturach Vilniaus Prekyba. Glera stvaraje ciapier u Biełarusi sietku nievialikich univiersalnych mahazinaŭ kala domu.U 2011 hodzie litoŭskija biznesoŭcy aktyŭna apracoŭvali Minsk i biełaruskija rehijony i zarehistravali kala 30 svaich daččynych kampanij. Pry hetym jon nie paćvierdziŭ dačynieńnie akcyjanieraŭ Vilniaus Prekyba da dziejnaści kampanii, a taksama toje, što sietka budzie zvacca Maxima.
«Im pakul niavyhadna havaryć na hetuju temu pa šerahu pryčyn. I palityčnych, i ekanamičnych. Kankurencyja ŭ śfiery roźničnaha handlu davoli vysokaja. Tamu rana raskryvać usie karty. Tema pryciahnieńnia inviestycyj u Biełaruś ź ES taksama pakul u niekatoraj stupieni hulaje suprać ich», —miarkuje ekśpiert u roźničnym handli.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk41
Kamientary