dapoŭniena
U aŭtobusie Pałanha-Minsk znojdzienaja mahutnaja vybuchoŭka
Małady čałaviek pryjšoŭ zabrać sumku na vakzał u Vilni. Kiroŭca ŭbačyŭ, što ŭ joj, i małady čałaviek kinuŭsia naŭcioki.
U aŭtobusie, jaki prybyŭ ź Minska ŭ Vilniu kala 10 hadzin ranicy, vyjaŭlenaja mahutnaja vybuchoŭka. Jak raspavioŭ kiraŭnik śpiecpadraździaleńnia Aras (anałah biełaruskaha «Ałmaza») Viktaras Hrabaŭskas, heta procitankavaja mina. Jaje znajšoŭ kiroŭca aŭtobusa ŭ sumcy ŭ bahažnym adździaleńni.
U Vilni torbu pryjšoŭ zabrać małady čałaviek (pavodle źviestak palicyi, hramadzianin Biełarusi). Pierš čym addać pasyłku ź Minska, kiroŭca pahladzieŭ, što ŭ joj znachodzicca. Ubačyŭšy heta, małady čałaviek uciok, a kiroŭca vyklikaŭ palicyju.
Sapiory dastali ź miny ŭzryvalnik. Dahetul nieviadoma, ci vybuchoŭka była bajavoj abo vučebnaj. Jana była novaj, a nie vyrablenaj padčas Druhoj suśvietnaj vajny. Na rasijskich navučalnych minach zvyčajna byvajuć śpiecyjalnyja nadpisy, na znojdzienaj u aŭtobusie minie takich nadpisaŭ vyjaŭlena nie było.
Palicyja Vilni šukaje hramadzianina Biełarusi prykładna 25 hadoŭ, jaki padazrajecca ŭ zachoŭvańni vybuchoŭki.
Kamientary