Namieśnik staršyni ŭrada i ministr zamiežnych spravaŭ Słavackaj Respubliki zrabiŭ zajavu ŭ suviazi z vyzvaleńniem dvuch biełaruskich palitviaźniaŭ.
Mirasłaŭ Łajčak vitaŭ vyzvaleńnie apazicyjnaha lidara i kandydata ŭ prezidenty Biełarusi Andreja Sańnikava i jaho blizkaha paplečnika i apazicyjnaha aktyvista Dźmitryja Bandarenki.
«Słavakija i Jeŭrapiejski Sajuz doŭha čakali hetaha kroku. Spadziajemsia, što praces praciahniecca, i nieŭzabavie buduć adpuščanyja i reabilitavanyja ŭsie palityčnyja źniavolenyja. Važna, kab Biełaruś vykanała hetuju abaviazkovuju ŭmovu dla adnaŭleńnia dyjałohu ź Jeŭrasajuzam. Biełaruskija hramadzianie i suśvietnaja supolnaść žadajuć bačyć, što ŭ Biełarusi pracujuć asnovy demakratyi, pravy čałavieka, hramadzianskija svabody i pravavaja dziaržava. My budziem uvažliva sačyć za dalejšym raźvićciom padziejaŭ u Biełarusi i ŭ vypadku vykanańnia nazvanych kryteraŭ budziem hatovyja padtrymać stanoŭčaje raźvićcio ŭ supracoŭnictvie pamiž ES i Minskam», — zajaviŭ M. Łajčak.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy11
Kamientary