Adnaŭleńnie zamka ŭ Niaśvižy i Kupałaŭskaha teatra kaštuje kala 400 miljardaŭ rubloŭ
Na restaŭracyju zamkavaha ansambla ŭ Niaśvižy zraschodavana kala 200 miljardaŭ rubloŭ, takaja ž suma budzie zatračana na rekanstrukcyju budynka Kupałaŭskaha teatra ŭ Minsku. Ab hetym 16 krasavika na pres-kanfierencyi, pryśviečanaj Mižnarodnamu dniu pomnikaŭ i histaryčnych miaścin, paviedamiŭ namieśnik ministra kultury Viktar Kuraš.
«Restaŭracyja Niaśvižskaha zamka startavała ŭ 1997 hodzie, ale, tak by mović, aktyŭnyja raboty pačalisia z 2004 hoda. Za hety čas na restaŭracyju patračana krychu bolš čym 200 miljardaŭ rubloŭ. Faktyčna zamak užo adkryty dla naviedvalnikaŭ. Pakul nielha trapić tolki ŭ centralnuju pałacavuju častku. U hety čas idzie farmiravańnie ekspazicyi», — skazaŭ Kuraš.
Nahadajem, na minułym tydni ministr kultury Pavieł Łatuška anansavaŭ adkryćcio zamka ŭ červieni hetaha hoda.
Na pres-kanfierencyi byli nazvanyja aryjencirovačnyja terminy zakančeńnia rekanstrukcyi budynka Nacyjanalnaha akademičnaha teatra imia Janki Kupały. Raboty byli pačatyja ŭ kastryčniku 2011 hoda, ich zaviaršeńnie zapłanavana na śniežań 2012 hoda. Pavodle słoŭ Kuraša, rekanstrukcyja idzie ŭ adpaviednaści z hrafikami.
Havoračy pra pomniki i histaryčnyja miaściny Biełarusi ŭ cełym, namieśnik ministra adznačyŭ, što ciapier śpis historyka-kulturnych kaštoŭnaściej krainy naličvaje 5.425 abjektaŭ.
Jon padkreśliŭ, što adnym z asnoŭnych prajektaŭ na najbližejšyja hady źjaŭlajecca prahrama «Zamki Biełarusi». U adpaviednaści ź joju da 2018 hoda płanujecca pravieści raboty na 38 abjektach. A na hety hod, pavodle słoŭ Kuraša, restaŭracyjnyja raboty na 393 miljardy rubloŭ zapłanavany na 13 abjektach. «Heta svojeasablivy rekord, ličba vielmi vialikaja. Raboty buduć vieścisia na čatyroch respublikanskich abjektach i dzieviaci abjektach kamunalnaj formy ŭłasnaści», — skazaŭ namieśnik ministra.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary