Novyja mohiłki płanujecca pabudavać u navakolli Minska pablizu vioski Kaziekava (Minski rajon). Ab hetym paviedamiŭ hienieralny dyrektar DVA «Kamunalnaja haspadarka Minharvykankama» Eduard Zotaŭ 16 krasavika na apieratyŭnaj naradzie ŭ Minharvykankamie.
«Sioleta vydzieleny ŭčastak u rajonie vioski Kaziekava płoščaj 83 ha dla prajektavańnia i budaŭnictva haradskich mohiłak «Lasnyja», — skazaŭ Eduard Zotaŭ.
Papiarednija raboty vykanany: praviedzieny hramadskija słuchańni (dźvie narady ź miascovymi žycharami), pa vynikach jakich usie zaŭvahi ŭličany. Taksama atrymany techničnyja ŭmovy ad rajonnych arhanizacyj. Prajektuje abjekt instytut «Minskprajekt».
«U 2012 hodzie zavieršycca prajektavańnie pieršaj čarhi mohiłak, na 2013 hod zapłanavany pačatak budaŭnictva», — infarmavaŭ hiendyrektar, dadaŭšy, što pabudavać mohiłki namiečana za dva hady.
Dziaržaŭnaj śpiecyjalizavanaj arhanizacyjaj u Minsku ŭ śfiery pachavalnaha siervisu źjaŭlajecca KUP «Śpieckambinat KBA». Na bałansie pradpryjemstva znachodziacca ŭsie mohiłki horada — 24, absalutnaja bolšaść ź jakich — abmiežavana dziejučyja.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik46
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary