Milicyja pačała pravierku bejsdžampiera, što skoknuŭ z vysotki ŭ Kamiennaj Horcy
Skačok minskaha bejsdžampiera z dachu 25-paviarchovaha doma ŭ Kamiennaj Horcy narabiŭ šmat šumu ŭ internecie.
Za niekalki dzion videazapisy, vykładzienyja na YouTube, nabrali kala 50 tysiač prahladaŭ. Mierkavańni internet-karystalnikaŭ padzialilisia: adny zachaplajucca advahaj śmielčaka, inšyja asudžajuć jaho: maŭlaŭ, padaje kiepski prykład i padviarhaje niebiaśpiecy inšych ludziej. Jak stała viadoma, ekstremałam užo zacikavilisia ŭ milicyi.
- U dačynieńni da maładoha čałavieka raspačataja pravierka, - rastłumačyli ŭ HUUS Minharvykankama. - U jaho dziejańniach uhledžvajucca prykmiety drobnaha chulihanstva. Taksama varta vyśvietlić, jakim čynam maładyja ludzi zmahli bieśpieraškodna trapić na dach, čamu dostup tudy byŭ adkryty.
Pavodle Kodeksa Biełarusi ab administracyjnych pravaparušeńniach,
za drobnaje chulihanstva praduhledžany štraf u pamiery ad 2 da 30 bazavych vieličyń (ad 200 tys. da 3 młn rubloŭ) abo administracyjny aryšt.
- Z takimi vypadkami milicyi ŭžo davodziłasia sutykacca. Byli precedenty, kali zdymali padletkaŭ z dachu niedabudavanaha doma na vulicy Broŭki, dzie ekstremały skačuć ź viaroŭkaj, - praciahvajuć u HUUS. - Usio zakančvałasia albo papiaredžańniem, albo hutarkaj z baćkami, albo štrafam za drobnaje chulihanstva.
Darečy, da rasśledavańnia padklučylisia žychary doma №6 pa vuł. Niomanskaj, z dachu jakoha i byŭ zrobleny skačok. Voś što piša z hetaj nahody ŭdzielnik forumu Onliner.by, zarehistravany pad imiem krikss: «Čuvak trapiŭ u padjezd, za im pahnałasia kanśjeržki, dalej jon pa pažarcy dajšoŭ da 27-ha, adkryŭ akno i trapiŭ na bałkon 27-ha paviercha, dalej pa kalidorach 27-ha da dźviarej na dach, u dźviarej na dach byŭ złamany zamok, tamu jany byli adčynienyja. 2 miesiacy tamu pakidaŭ zajaŭku ŭ kanśjeržki ŭ žurnale dla stalara, ale nijakich ruchaŭ da skačku z dachu nie adbyvałasia. Jak tolki pajšoŭ zvon, stalar tut ža zabłakavaŭ dźviery, mnie voś adzinaje niezrazumieła: pišaš-pišaš hetyja zajaŭki, a dla kaho?»
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik48
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1010
Kamientary