Міліцыя пачала праверку бэйсджампера, што скокнуў з высоткі ў Каменнай Горцы
Скачок мінскага бэйсджампера з даху 25-павярховага дома ў Каменнай Горцы нарабіў шмат шуму ў інтэрнэце.
За некалькі дзён відэазапісы, выкладзеныя на YouTube, набралі каля 50 тысяч праглядаў. Меркаванні інтэрнэт-карыстальнікаў падзяліліся: адны захапляюцца адвагай смельчака, іншыя асуджаюць яго: маўляў, падае кепскі прыклад і падвяргае небяспецы іншых людзей. Як стала вядома, экстрэмалам ужо зацікавіліся ў міліцыі.
- У дачыненні да маладога чалавека распачатая праверка, - растлумачылі ў ГУУС Мінгарвыканкама. - У яго дзеяннях угледжваюцца прыкметы дробнага хуліганства. Таксама варта высветліць, якім чынам маладыя людзі змаглі бесперашкодна трапіць на дах, чаму доступ туды быў адкрыты.
Паводле Кодэкса Беларусі аб адміністрацыйных правапарушэннях,
за дробнае хуліганства прадугледжаны штраф у памеры ад 2 да 30 базавых велічынь (ад 200 тыс. да 3 млн рублёў) або адміністрацыйны арышт.
- З такімі выпадкамі міліцыі ўжо даводзілася сутыкацца. Былі прэцэдэнты, калі здымалі падлеткаў з даху недабудаванага дома на вуліцы Броўкі, дзе экстрэмалы скачуць з вяроўкай, - працягваюць у ГУУС. - Усё заканчвалася альбо папярэджаннем, альбо гутаркай з бацькамі, альбо штрафам за дробнае хуліганства.
Дарэчы, да расследавання падключыліся жыхары дома №6 па вул. Нёманскай, з даху якога і быў зроблены скачок. Вось што піша з гэтай нагоды ўдзельнік форуму Onliner.by, зарэгістраваны пад імем krikss: «Чувак трапіў у пад'езд, за ім пагналася кансьержкі, далей ён па пажарцы дайшоў да 27-га, адкрыў акно і трапіў на балкон 27-га паверха, далей па калідорах 27-га да дзвярэй на дах, у дзвярэй на дах быў зламаны замок, таму яны былі адчыненыя. 2 месяцы таму пакідаў заяўку ў кансьержкі ў журнале для сталяра, але ніякіх рухаў да скачку з даху не адбывалася. Як толькі пайшоў звон, сталяр тут жа заблакаваў дзверы, мне вось адзінае незразумела: пішаш-пішаш гэтыя заяўкі, а для каго?»
Хто забараняе ў Беларусі кнігі — вось гэтыя 22 чалавекі33
Каментары