Śpikier pałaty: U parłamient pavinny pryjści ludzi, jakija dakazali addanaść Radzimie
U parłamient novaha sklikańnia pavinny pryjści ludzi, jakija dakazali addanaść Radzimie, zajaviŭ staršynia pałaty pradstaŭnikoŭ nacyjanalnaha schodu Biełarusi Uładzimir Andrejčanka, zakryvajučy siońnia10-ju siesiju nižniaj pałaty.
«U krainie startavała vybarčaja kampanija. Niekatoryja z vas voźmuć u joj aktyŭny ŭdzieł. Ale i toj, chto nie pojdzie na vybary, pavinien pamiatać, što deputataŭ byłych nie byvaje», — padkreśliŭ Andrejčanka. Na deputatach, pavodle jaho słoŭ, «lažyć vysokaja misija — davier vybarščykaŭ».
«Parłamientaryi zaŭsiody byli adnoj ź sił, jakija kansalidujuć hramadstva ŭ adkaznyja dla krainy pieryjady, — zajaviŭ staršynia nižniaj pałaty. — Siońnia my pavinny zrabić usio dla taho, kab u parłamient pryjšli ludzi, nieabyjakavyja da losu Radzimy, hatovyja nie składajučy ruk macavać suvierenitet krainy i słužyć na karyść biełaruskaha naroda».
Padvodziačy vyniki pracy ciapierašniaj siesii pałaty pradstaŭnikoŭ, Andrejčanka zaznačyŭ, što deputaty «apieratyŭna vyrašali pytańni, jakija byli pradyktavanyja aktualnymi prablemami raźvićcia hramadstva».
Nahadajem, 23 vieraśnia ŭ Biełarusi projduć parłamienckija vybary. Adnak deputaty pałaty pradstaŭnikoŭ dziejnaha sklikańnia jašče paśpiejuć pravieści zaklučnuju karotkaterminovuju siesiju, jakaja pavinna adkrycca 2 kastryčnika.
Naprykład, siońniašni skład pałaty pradstaŭnikoŭ byŭ abrany na vybarach 28 vieraśnia 2008 hoda, a pieršaje pasiadžeńnie prajšło 27 kastryčnika. U pramiežku pamiž hetymi datami byli pryniatyja niekatoryja zakonaprajekty, u tym liku biudžet na 2009 hod.
U adpaviednaści z Kanstytucyjaj pieršaja paśla vybaraŭ siesija pałat parłamienta sklikajecca Centralnaj kamisijaj pa vybarach i praviadzieńni respublikanskich refierendumaŭ i pačynaje pracavać nie paźniej jak praz 30 dzion paśla vybaraŭ.
Ciapier čytajuć
Siarhiej Cichanoŭski pierabraŭsia žyć u Łos-Andželes54
Kamientary