«Ruch salidarnaści «Razam» atrymaŭ aficyjnuju rehistracyju ŭ Čechii
Ministerstva ŭnutranych spraŭ Čechii zarehistravała hramadskaje abjadnańnie «Ruch salidarnaści «Razam», skazaŭ staršynia ruchu Viačasłaŭ Siŭčyk.
Pavodle jaho słoŭ, hramadskaje abjadnańnie maje status mižnarodnaha, i jaho dziejnaść, zhodna sa statutam, moža raspaŭsiudžvacca na terytoryi inšych krain. «Takim čynam, ruch, jaki ŭžo šeść hadoŭ dziejničaŭ jak arhkamitet pa stvareńni arhanizacyi, atrymaŭ status jurydyčnaj asoby», — skazaŭ Siŭčyk.
Svaimi hałoŭnymi zadačami ruch ličyć «baraćbu z etnacydam u Biełarusi, abaronu biełaruskich pradprymalnikaŭ, supraćstajańnie palityčnym represijam». «Taksama ruch prykładaje namahańni pa vypracoŭcy stratehii dziejańniaŭ prajeŭrapiejskich sił u Biełarusi», — adznačyŭ jon.
Misijaj ruchu źjaŭlajecca palapšeńnie aśviety, adukacyi, sacyjalnych umoŭ i padtrymka raźvićcia nacyjanalnaj kultury ŭ Biełarusi, va Ukrainie i ŭ krainach Uschodniaj Jeŭropy.
«Dziejnaść abjadnańnia budzie skancentravana na realizacyi prajektaŭ pa demakratyzacyi Biełarusi i Ukrainy, indyvidualnaj padtrymcy asob u hetych dziaržavach, arhanizacyi i praviadzieńni kulturnych, aśvietnych i ahitacyjnych mierapryjemstvaŭ, skiravanych na padtrymku i prezientacyju Biełarusi i Ukrainy, i na supracoŭnictvie z padobnymi arhanizacyjami, navučalnymi i adukacyjnymi ŭstanovami i inšymi subjektami ŭ śfiery demakratyzacyi», — skazaŭ Siŭčyk.
Jon adznačyŭ, što z momantu rehistracyi ŭ Čechii «Ruchu salidarnaści «Razam» jon zmoža «vieści aficyjnyja pieramovy z uładami jeŭrapiejskich dziaržaŭ, ministerstvami i administracyjami haradoŭ z metaj atrymać maksimalnuju padtrymku dla Biełarusi, dla vychadu z tupika apošniaj dyktatury Jeŭropy».
«Rehistracyja ruchu — vialikaja maralnaja padtrymka našych kaleh u Biełarusi», — padkreśliŭ Siŭčyk.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik55
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1818
Kamientary