«Razhramiŭ carkvu praz varožaje staŭleńnie da chryścijanstva»
U Mazyry zatrymali recydyvista, jaki apahaniŭ dźvie carkvy. Siem hadoŭ tamu jon padpaliŭ chram.
Pravaachoŭnyja orhany zatrymali padazravanaha ŭ apahańvańni dvuch pravasłaŭnych chramaŭ u Mazyry, paviedamiŭ aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.
Zatrymany
U 2007 hodzie padazravany ŭžo byŭ asudžany na 7 hadoŭ pazbaŭleńnia voli za padpał pravasłaŭnaha chrama ŭ Mazyry, u traŭni 2012 vyzvaliŭsia ź miescaŭ pazbaŭleńnia voli.«Na dopycie siońnia ranicaj jon zajaviŭ, što ździejśniŭ hetyja dziejańni praz varožaje staŭleńnie da chryścijanstva», — adznačyła Maryja Kryvanohava.
- * * *
25 červienia ŭ Mazyry byli apahanienyja 2 pravasłaŭnyja chramy. U carkvie Śviatoha Sierhija Radanieskaha złamyśniki zładzili sapraŭdny pahrom.
Na niekatorych ikonach jany nadrapali vostrym pradmietam sataninskija nadpisy, pientahramy, raskidali i pahnuli kryžy, parvali Jevanhielle.Miarkujecca, jany pranikli ŭ chram praz akno, jakoje raźbili.
Heta nie pieršy vypadak, kali ŭ Mazyry apahańvajuć chryścijanskija chramy. Niekalki hadoŭ tamu čaćviora satanistaŭ (u tym liku adna dziaŭčyna) byli asudžanyja na 7 i 7,5 hadoŭ pazbaŭleńnia voli za padpały chramaŭ.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary