Damy dla pilihrymaŭ zaŭsiody stvarajuć kala miescaŭ pałomnictvaŭ ludziej, kala sanktuaryjaŭ, kab ludzi mahli pieranačavać i bolšy čas pabyć z Boham u śviatym miescy.
U mnohich miescach u Jeŭropie kala kaściołaŭ jość vialikija šmatpaviarchovyja hmachi «Damoŭ pilihrymaŭ». Taki dom źjaviŭsia i ŭ Mosary.
Pilihrymy, jakija šukajuć Božaha supakoju i prahnuć natalić Božaj łaskaj svaje duchoŭnyja prahnieńni, zmohuć znajści ŭ im prytułak, kab adpačyć dušoju i spynicca na bolš praciahły čas u mosarskim sanktuaryi.
U subotni viečar, 28 lipienia 2012 hoda, u parafii ŭračysta byŭ adčynieny i aśviečany «Dom pilihryma». U adkryćci ŭziali ŭdzieł ajcy franciškanie Valdemar Kujava i Jan Hiernik, manachi kapucyny i parafijanie. Takaja mahčymaść načlehu i «Dom pilihryma» paŭstali tolki ŭ hetym hodzie namahańniami dušpastyra i parafijanaŭ.
U «Domie pilihryma» jość usio dla žyćcia, usie vyhody, jak u horadzie, tamu možna spynicca ŭ im razam ź dziećmi. Parafija ŭ stanie pryniać na načleh da 17 čałaviek. Umovy prostyja, jak dla pilihrymaŭ. A što jašče treba, kab pieranačavać, pažyć u śviatym miescy kala kaścioła?
Kožny pilihrym nie pavinien płacić hrošy, jak u ahrasiadzibach, ale moža skłaści achviaravańnie, kab choć pakryć vydatki za pražyvańnie ŭ parafii.
Raźmiaścicca možna na nieabmiežavany čas: na dzień, try ci tydzień.
U Mosary taksama šmat sažałak z rybaj i znachodzicca vialikaje voziera Carkavišča, pryjemnaje čystaje pavietra, pali, lasy i prosta cudoŭnaje cichaje, pryhožaje i śviatoje miesca dla adpačynku. Achvotnyja taksama mohuć papracavać kala kaścioła ŭ kvietnikach.
Jak damovicca? U našaj parafii jość
Tamu ščyra zaprašajem pry nahodzie na načleh u «Dom pilihryma» ŭ Mosary!
Padrabiaznaja infarmacyja — na sajcie mosar.vickyblog.com
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak28
Kamientary