Na 87 hodzie žyćcia pamior kultavy amierykanski piśmieńnik i publicyst Hor Vidał.Jon skanaŭ u svajoj kvatery paśla pieraniesienaha zapaleńnia lohkich, paviedamlaje Associated Press sa spasyłkaj na plamieńnika piśmieńnika.
Hor Vidał ličycca kłasikam amierykanskaj litaratury XX stahodździa, razam z Normanam Majłeram i Trumenam Kapote.
Judžyn Luter Hor Vidał naradziŭsia ŭ horadzie Vest-Pojnt štata Ńju-Jork u 1925 hodzie. Jon naležaŭ da viadomaj u ZŠA palityčnaj dynastyi. Svajo pieršaje apaviadańnie Vidał napisaŭ u 19 hadoŭ. Viadomaść Vidału prynios apublikavany ŭ 1948-m hodzie raman "Horad i słup", u jakim jon adnym ź pieršych u amierykanskaj litaratury źviarnuŭsia da prablematyki homaseksualnaści.
Za svajo žyćcio jon stvaryŭ 25 ramanaŭ, asabliva viadomyja histaryčnyja sahi «Linkoln», «Vice-prezident Bery», «Impieryja», «Halivud», «Vašynhton, akruha Kałumbija» i satyryčnyja tvory «Majra Brekinrydž» i «Dułuta», jakija prasłavili jaho ŭ litaraturnym śviecie.
Hor Vidał viadomy i jak aŭtar mnostva ese, u jakich zakranajucca temy palityki, relihii, litaratury i seksu.U 1993 hodzie za ese «Złučanyja Štaty (1952-1992)» piśmieńnik atrymaŭ Nacyjanalnuju knižnuju premiju ZŠA. Jon taksama pisaŭ scenary dla bradviejskich pjesaŭ.
U 1960-ja i 70-ja Vidał byŭ palityčnym kamientataram na telebačańni. Jon prytrymlivaŭsia levalibieralnych pohladaŭ, udzielničaŭ u kampanii suprać vajny ŭ Iraku, vystupaŭ za relihijnyja svabody.
Piśmieńnik byŭ siabram takich viadomych asobaŭ jak Orsan Uełs, Džek Kieruak, Marłon Brando, Poł Ńjuman, Džaan Vudvard, Frenk Sinatra i niekalki členaŭ siamji Kenedzi.
Piśmieńnik aktyŭna zajmaŭsia palitykaj, tak, u 1960 hodzie jon bałatavaŭsia ŭ pałatu pradstaŭnikoŭ ZŠA ad demakrataŭ.
Jon aktyŭna krytykavaŭ palityčnuju sistemu ZŠA, jakuju jon nazyvaŭ «palicyjantam dziaržavaj» i jakoj pradkazvaŭ chutkaje pieratvareńnie ŭ vajennuju dyktaturu.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu33
Kamientary