Parłamient Rumynii pahadziŭsia z rašeńniem Kanstytucyjnaha suda krainy, jaki paćvierdziŭ zakonnaść znachodžańnia va ŭładzie prezidenta. Trajan Besiesku viartajecca na svaju pasadu, paviedamlaje Reuters.
«Naš maralny abaviazak u tym, kab vysłuchać rašeńnie suda. My nie možam umiešvacca, błakavać abo mianiać rašeńni Kanstytucyjnaha suda», — zajaviŭ u paniadziełak staršynia nižniaj pałaty parłamienta Valeryu Zhonia.
Kanstytucyjny sud Rumynii pryznaŭ refierendum ab impičmiencie Besiesku nie adbytym. Vyniki refierendumu byli pryznanyja niesapraŭdnymi, bo jaŭka skłała 46%. Dla taho kab refierendum byŭ pryznany adbytym, u im pavinna ŭziać udzieł nie mienš za pałova nasielnictva, jakoje maje prava hołasu.
Trajan Besiesku byŭ adchileny ad pasady ŭ lipieni.Apazicyja abvinavaciła prezidenta ŭ parušeńni Kanstytucyi i stvareńni pieraškod dla narmalnaj pracy ŭrada.
Kamientary