Da palitviaźnia na minułym tydni dvojčy nie dapuścili advakata.
Lidar «Maładoha frontu» Źmicier Daškievič znachodziŭsia ŭ viciebskim SIZA №2, kudy jaho pieravieźli z Hłybokaha. Tam palitviazień musiŭ čakać etapu ŭ novuju kałoniju. Ale na sionńnia niama peŭnaści, ci vybyŭ jon na inšaje miesca adsiedki, ci jašče nie. Da jaho dvojčy nie dapuścili advakata. 12 vieraśnia heta patłumačyli tym, što ŭ SIZA nie pastupili dakumienty ab ustupleńni prysudu ŭ siłu. 14 vieraśnia advakat znoŭ atrymaŭ admovu. Heta stała padstavaj dla zvarotu ŭ Hłybocki sud. I sudździa sama telefanavała ŭ SIZA, dzie joj paviedamili, što dakumienty na miescy.
Niaviesta Źmitra Nasta Pałažanka nie viedaje, z čym moža być źviazanaja takaja izalacyja. Jana nie vyklučaje, što jaho ŭžo adpravili ŭ kałoniju. Pa jaje słovach,
pakolki ŭ SIZA paćvierdzili atrymańnie dakumientaŭ, heta padstava dla dalejšaha etapavańnia.
Paparedniaja sustreča z advakatam adbyłasia ŭ viciebskim SIZA 5 vieraśnia. Tady stała viadoma, što za Źmitrom ustanavili kruhłasutačnaje nazirańnie.
***
Lidar «Maładoha frontu» Źmicier Daškievič razam z Eduardam Łobavym byŭ zatrymany za dzień da prezidenckich vybaraŭ, 18 śniežnia 2010. Ich abvinavacili ŭ złosnym chulihanstvie. Daškieviča asudzili da dvuch hadoŭ źniavoleńnia, Łobava — da čatyroch.
28 žniŭnia 2012 Źmicier Daškievič byŭ paŭtorna asudžany nibyta za niepadparadkavańnie patrabavańniam administracyi papraŭčaj ustanovy, i da jahonaha terminu dadaŭsia jašče 1 hod kałonii.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary