U padmaskoŭnych Chimkach ułady zrujnavali manument hierojam SSSR, jakija zahinuli ŭ vajnu. La pomnika raskapali mahiły, a reštki pieranieśli ŭ tamtejšy morh dla zachavańnia na Chimkinskich mohiłkach.
U padmaskoŭnych Chimkach ułady zrujnavali manument hierojam SSSR, jakija zahinuli ŭ vajnu. La pomnika raskapali mahiły, a reštki pieranieśli ŭ tamtejšy morh dla zachavańnia na Chimkinskich mohiłkach.
U padmaskoŭnych Chimkach zrujnavany manument Vajaram Vialikaj Ajčynnaj vajny. Navoddal režymnaha abjekta NPA imia Łavačkina razrytyja mahiły šaści lotčykaŭ — Hierojaŭ Savieckaha Sajuzu, źbitych u čas vajny ŭ hetym miescy.
Mahiły savieckich lotčykaŭ raskapali ŭrańni, jak śviedčać vidavočcy, da manumentu padahnali techniku i chutka raskapali pachavańni. Jak paviedamlaje sietkavy resurs Forum.msk.ru, raskopvańnie mahiłaŭ prajšło z sankcyi chimkinskaje administracyi, jakaja ŭžo bolš jak dva hady chacieła zrujnavać manument la ścienaŭ zavodu.
Da pomnika pryhnali rabotnikaŭ i techniku, jakija raskapali mahiły, vykapali reštki i pieranieśli ŭ tamtejšy morh, dla zachavańnia na Chimkinskich mohiłkach. «Hramadzkaść vystupała suprać usialakich dziejańniaŭ, skiravanych na pieranos zachavańniaŭ. Viedajučy heta, administracyja, nie papiaredziŭšy ani radu Veteranaŭ, ani hramadzkija arhanizacyi, ani deputataŭ miascovaha savietu — to bok tajemna, navažyłasia na hety krok», — pišuć chimkinskija kamunisty.
Na toje jość kolki pryčynaŭ. Pavodle adnaje versii, cieły lotčykaŭ pastanavili pierazachavać dziela pašyreńnia Leninhradzkaje šašy, što pralahaje za sotniu metraŭ ad mahiłaŭ. Chimki siońnia — heta kancentracyja handlovych meha‑centraŭ: «Hrand», «Meha», «Ikiea», «Obi», «Ašan», «Skryžavańnie» — voś niapoŭny śpis hipermarkietaŭ, što zajmajuć hiektary padmaskoŭnaje ziamli blizu maskoŭskaj akružnoj darohi. Ličać, što pavodle kolkaści padatkaŭ na dušu nasielnictva, što źbirajucca z handlovych pradpryjemstvaŭ, Chimki daŭna pierahnali Maskvu.
«Naturalna, ziamla ŭ hetym horadzie pakrysie stanovicca «załatoj», — miarkuje hałoŭny redaktar «FORUM MSK» Anatol Baranaŭ. — Ale pašyrać handlovyja płoščy siońnia ŭžo niama kudy, «zaminaje» i prachadnaja zavodu NPA imia Łavačkina, dzie raniej pracavała, musić, pałova Chimak, u tym liku i moj baćka. Zaminajuć i pachavańni. Voś mahiły hierojaŭ, jakija nie prynosiać nijakaha prybytku, i pastanavili prybrać z «załatoj» ziamli».
Pavodle inšaje versii, manument daviałosia pieranieści, bo ŭ niepasrednaj blizkaści ad jaho jość miesca zboru prastytutak, paviedamlaje «Echo Moskvy». Žrycy kachańnia, miarkujuć chimkinskija ŭłady, svajoj prysutnaściu apahańvajuć pamiać hierojaŭ vajny, tamu cieły pahibłych pastanavili pierazachavać.
Kamientary