Na vychodnych prajšoŭ druhi tur čempijanatu Biełarusi pa futbole. Bolšaść matčaŭ skončyłasia dosyć pradkazalna.
Na vychodnych prajšoŭ druhi tur čempijanatu Biełarusi pa futbole. Bolšaść matčaŭ skončyłasia dosyć pradkazalna.
U centralnym matčy turu ŭ Salihorsku syšlisia miascovy «Šachcior» i «Homiel». U pieršym tury abiedźvie kamandy pieramahli i padnialisia na viaršyniu turnirnaj tablicy. Hulnia roŭnych pa sile supiernikaŭ skončyłasia ŭničyju — 0:0. Hamielčuki tolki adnojčy za ŭsiu historyju pieramahali ŭ Salihorsku, palepšyć statystyku nie atrymałasia i hetym razam.
«Daryda» ŭ svaju čarhu ŭvohule nikoli nie adbirała punkty na «Traktary» u MTZ‑RIPA. Nie zmahła adabrać i hetym razam. Los matču vyrašyŭ adziny hoł baŭharskaha lehijanera Janki Vyłkanava. Hety matč paćvierdziŭ, što dla pieramohi dastatkova adnaho trapanaha ŭdara.
BATE i «Smurhoni» syhrali tak, jak i musiać hulać čempijon z navičkom elity. BATE atakavaŭ, «Smurhoni» abaranialisia. U vyniku barysaŭcy zabili šmat, ale i prapuścili niamała. 4:2 na karyść čempijona.
Zakanamiernym vynikam pravalenaj mižsezonnaj padrychtoŭki staŭsia start mienskaha «Dynama». U druhim tury «Dynama» ŭ Miensku biez varyjantaŭ prajhrała svaim bieraściejskim adnaklubnikam — 0:2.
Niečakanaściu ŭ druhim tury chiba možna nazvać pieramohu FK «Miensk» nad «Viciebskam». Vićbičy mieli šmat halavych momantaŭ, ale zabić zmahli tolki adnojčy, staličnyja ž futbalisty zabili dvojčy.
Astatnija matčy turu prynieśli nastupnyja vyniki: «Dniapro» — «Tarpeda» 1:1, «Nioman» — «Naftan» 3:2.
Paśla dvuch turaŭ lidzirujuć: BATE, MTZ‑RIPA — pa 6 punktaŭ, «Šachcior», «Dniapro», «Homiel» — pa 4 punkty.
Najlepšym bambardziram źjaŭlajecca barysaviec Hienadź Bliźniuk, u jaho try hały.
Matčy treciaha turu projduć u hetuju piatnicu‑subotu.
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj6
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary