Dziakujučy testam DNK apraŭdali mužčynu, jaki pravioŭ u turmie 25 hod
Amerykaniec Džery Miler prasiadzieŭ za kratami 25 hod za zhvałtavańnie, jakoha nie ŭčyniaŭ. Testy DNK dapamahli dakazać jahonuju nievinoŭnaść.
Miler, jakomu ciapier užo 48, byŭ asudžany u 1981 h. za zhvałtavańnie, kradziež i sprobu vykradańnia čałavieka. U vieraśni 1981 h. na padziemnym parkinhu ŭ Čykaha nieviadomy napaŭ na 44‑hadovuju žančynu, zhvałciŭ jaje i začyniŭ u bahažniku jejnaj mašyny. I paśla paśpieŭ uciačy, kali da mašyny nablizilisia dva supracoŭniki parkinhu. Jany i dapamahli palicyi skłaści fotarobat i paźniej apaznali Milera. Toj uvieś čas śćviardžaŭ, što jon nievinoŭny, i davaŭ pakazańni, što ŭ toj złaščasny viečar hladzieŭ doma televizar i nikudy nie vychodziŭ. U 2006 h. Miler vyjšaŭ z turmy — paśla 25 hod adsidki.
— Chaču iści napierad, pačać novaje žyćcio, pačać žyć. Ja ŭdziačny za hety dzień — skazaŭ jon, vychodziačy pazaŭčora z budynku suda, paśla taho, jak byŭ kančatkova vyzvaleny ad usich abvinavačvańniaŭ. Kolki miesiacaŭ tamu pazaŭradavaja arhanizacyja «Innocence Project» schiliła prakuraturu da praviadzieńnia testaŭ DNK asudžanaha. Dla paraŭnalnaha analizu vykarystoŭvałasia śpierma, znojdzienaja na vopratcy achviary. Vyniki testaŭ vyklučyli, što Miler byŭ vinoŭnikam złačynstva.
Pavodle dadzienych arhanizacyi «Innocence Project», historyja Milera — adna z dvuchsot padobnych. Uva ŭsich hetych vypadkach asudžanych apraŭdali praviedzienyja testy DNK. U sumie hetyja dźvieście niavinnych asobaŭ praviali ŭ turmie 2 475 hod.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary