U adnym z šmatkvaternych damoŭ Miensku małady čałaviek žyvym zhareŭ na leśvičnaj placoŭcy, kudy vyjšaŭ papalić pierad adjezdam na pracu.
U adnym z šmatkvaternych damoŭ Miensku małady čałaviek žyvym zhareŭ na leśvičnaj placoŭcy, kudy vyjšaŭ papalić pierad adjezdam na pracu. Jaho pabačyła susiedka, kali vyjšła z kvatery pravieryć, adkul idzie dym. Jana pieršaja stała hasić połymia na vopratcy susieda, adnak užo pa darozie ŭ bolnicu chłopiec skanaŭ.
Maładzion atrymaŭ apioki treciaj i čaćviertaj stupieni, bo ahoń pakryvałami dy vadoj atrymałasia źbić nie adrazu. Da taho času, jak pahasili połymia, na chłopcy zhareła ŭsia vopratka, paviedamlaje hazeta «Sovietskaja Biełoruśsija».
Eksperty pakul nia mohuć patłumačyć pryčynu raptoŭnaha ŭzharańnia. «Vielmi zahadkavy vypadak. Kala cieła znajšli dziŭnyja abharełyja pradmiety. Mahčyma, prajaśniać abstaviny spravy vyniki sudova‑medyčnaj, pažarna‑techničnaj i chimičnaj ekspertyzaŭ. Raśśledavańniem zajmajecca prakuratura Pieršamajskaha rajonu», — raskazaŭ načalnik kryminalnaj milicyi Pieršamajskaha RAUS Viktar Praviła.
Isnujuć dźvie asnoŭnyja hipotezy, jakija tłumačać takija vypadki samaŭzharańnia, kali niama realnych dokazaŭ padpału ci śladoŭ krynicy ŭzharańnia. Pryčym abiedźvie majuć na ŭvazie źniešniuju krynicu ahniu: heta hipoteza «Čałaviečaj śviečki» i ŭzharańnie ad statyčnaj elektryčnaści ci šaravoj małanki.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary