A palitviazień Mikoła Statkievič, jakoha siońnia mohuć vyzvalić umoŭna‑daterminova, prakamentavaŭ padzieju NN. «Usio vielmi niapeŭna, tym bolš što ja adziny, chto nie padpisaŭ zajavu na imia Natalli Piatkievič».
Palitviazień Mikoła Statkievič, jakoha siońnia mohuć vyzvalić umoŭna‑daterminova, prakamentavaŭ padzieju NN. «Usio vielmi niapeŭna, tym bolš što ja adziny, chto nie padpisaŭ zajavu na imia Natalli Piatkievič». Pa jaho słovach, jamu, ci jaho advakatu było prapanavana napisać prašeńnie na imia Piatkievič, što mahło b paspryjać daterminovamu vyzvaleńniu. Sp. Statkievič biez entuzijazmu stavicca da mahčymaha vyzvaleńnia: «Ja nie chaču zaachvočvać terarystaŭ, bo nakolki viedaju, pytańnie staić pra viartańnie Biełarusi preferencyjaŭ». Jon kaža, što nihieryjskija bajeviki byli ściplejšyja za biełaruskija ŭłady — tyja patrabavali za vyzvaleńnie biełaruskaj hramadzianki kala miljonu dalaraŭ, a biełaruski ŭrad, u vypadu stanoŭčaha vyrašeńnia pytańnia, atrymaje 400 miljonaŭ eŭra.
«Mnie dobra i tut — ptuški śpiavajuć, kvietki, volnaje pavietra» — śmiajecca palityk.
Pavał Sieviaryniec u svaju čarhu patłumačyŭ sens zajavaŭ na imia Natalli Piatkievič. Svajaki palitviaźjaŭ razam z advakatami padrychtavali ŭ prakuraturu dakumenty, jakija śviedčać ab tym, što kryminalnyja spravy suprać palitykaŭ vialisia z parušeńniem zakanadaŭstva. A tamu hetyja spravy patrabujuć pierahladu. Pakolki mienavita Natalla Piatkievič viała z pamočnikam dziaržsakratara ZŠA Devidam Krameram pieramovy ab mahčymym viartańni Biełarusi ekanamičnych preferencyjaŭ naŭzamien na vyzvaleńnie palitviaźniaŭ, joj taksama paviedamili pra chiby ŭ viadzieńni kryminalnych spravaŭ. Advakat Sieviarynca Pavał Sapiełka taksama zrabiŭ adpaviednuju zajavu.
Tym časam Viarchoŭny sud Biełarusi admoviŭ advakatam Alaksandra Kazulina ŭ zadavalnieńni ich nahladnaj skarhi na prysud palityku. Admysłovy dakument padpisaŭ namieśnik staršyni Viarchoŭnaha sudu Valer Kalinkovič, paviedamlaje Radyjo Svaboda.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantovaj vobłaści Rasii. U aŭtobus papaŭ bieśpiłotnik15
Kamientary