Novyja knihi, dasłanyja ŭ redakcyju

 Novyja knihi, dasłanyja ŭ redakcyju

Biełaruski Pravasłaŭny kalandar, 2000. Zvod imionaŭ śviatych Biełaruskaj Pravasłaŭnaj Carkvy napiaredadni Rastva Chrystovaha / Układalnica T.Matrunčyk. — Miensk: Śviata-Pietrapaŭłaŭcki sabor u m.Miensku, Biełaruskaje pravasłaŭnaje bractva troch Vilenskich mučanikaŭ, 1999. — 160 s., ił. — Nakład 250 as. ISBN 985-6594-02-2

Biełaruski carkoŭny kalandar vyjšaŭ hetkim małym nakładam, što davodzicca mierkavać, što ŭ nac albo vierniki ŭschodniaha abradu ničoha nie čytajuć, albo nie zastałosia viernikaŭ-biełarusaŭ.

Biuleteń Asamblei niedziaržaŭnych arhanizacyjaŭ Biełarusi. № 1, luty 2000. — Miensk, 2000. — 161 s. — Nakład 299 as.

Asambleja źmianiła vyhlad svajho biuleteniu, ale j źmiest staŭ žyviejšy.

Katałoh počtovych marok Riespubliki Biełaruś. 1999. — Miensk, 2000. — 28 s.: ił.

Źmieščanyja vyjavy j padrabiaznyja źviestki pra paštovyja marki našaje krainy, padajecca pieralik i apisańnie kapertaŭ dy paštovych štempelaŭ. Sioleta, u adroźnieńnie ad minułych hadoŭ, kataloh vyjšaŭ pa-rasiejsku. Nabyć možna na Hałoŭnaj pošcie ci ŭ kramie «Filatelija» (vuł.Maskoŭskaja 16). Cana 1800 rubloŭ.

Kto jesť kto v Biełarusi. Chto jość chto ŭ Biełarusi. Who's who in Belarus / Składalniki V.Hołubieŭ, A.Kiže, A.Smolski, V.Tryhubovič, H.Achmietava, V.Čujko. — Maskva: Knižny dom «Univiersitiet», 1999. — 176 s. — Nakład 3000 as. ISBN 5-8013-0068-6

Apošnim časam vyjšła ŭžo niekalki daviednikaŭ kštałtu hetaha, ale ŭsie jany asnoŭnuju ŭvahu skiroŭvali na kiraŭnictva krainy j adpaviednaha śvietahladu tvorcaŭ piara j pendźla. Hetaja kniha pryncypova roźnicca ad inšych. Napisańnie imionaŭ i proźviščaŭ padajecca ŭ biełaruskaj, rasiejskaj i anhielskaj movach, sam tekst pa-rasiejsku. Aŭtary kažuć: «Mahčyma nia ŭsim «hierojam» my sympatyzavali, adyli ŭsich imknulisia zrazumieć i pakazać usiebakova, bo tolki praź ludziej možna zrazumieć hramadztva». Daviednik možna nabyć u vydaviectvie «Biełaruski knihazbor» (teł. 220-70-27) za paŭtysiačy rubloŭ.

Kto jesť kto v Riespublikie Biełaruś. Ludi dieła / Pad redakcyjaj I.Čakałava. — Miensk: Encyklapedyks, 1999. — 350 as. — Nakład 1000 as. ISBN 985-6599-02-4

Aŭtary pasprabavali sabrać pad adnoj vokładkaj usich «dziełavych ludziej» Biełarusi — ad kałhaśnikaŭ da piśmieńnikaŭ. Ale trochi pierastaralisia — Vitaŭt Čaropka, pavodle aŭtaraŭ, napisaŭ dźvie knihi: «Historyja mašany imia» i «Pieramoha leniu» (nasamreč «Historyja našaha imia» i «Pieramoha cieniu»). Kniha kaštuje šalonyja hrošy — 11700 rubloŭ, pradajecca ŭva ŭsich kniharniach.

A.Łapickij. Za žieleznym zanaviesom. Žiertvam političieskich rieprieśsij pośviaŝajetsia. — Miensk, 1999. — 104 s.

Z pazycyjaŭ artadaksalnaha marksizmu aŭtar daje svaju versiju vyjścia ź ciapierašniaha ekanamičnaha kryzysu. Admaŭlajecca śćvierdžańnie pra skon kamunizmu ŭ SSSR. A.Łapicki razhladaje kolišniuju savieckuju dziaržavu jak kapitalista ŭ dačynieńni da rabotnika j jak feŭdała ŭ dačynieńni da kałhaśnika.

Metryka Vialikaha Kniastva Litoŭskaha. Kn. 28 (1522—1552 h.). Kniha zapisaŭ 28 / Rychtavańnie tekstaŭ da druku j navukovy aparat: V.Mianžynski, U.Śviažynski. — Miensk: Athenaeum, 2000. — 312 s.: ił. 8. — («Pomniki», t. 1). — Nakład 500 as. ISBN 985-6374-10-3

Praca vykanana ŭ Instytucie historyi Biełaruskaj Akademii Navuk i vydadziena ŭ miežach mižnarodnaha prajektu dla daśledavańnia j publikavańnia Metryki. Nabyć možna za 10 u.a. u siadzibie TBM u Miensku (Rumiancava 13), u «Akademknizie» kaštuje 16 miljonaŭ.

Puškin — biełaruskaja kultura — sučasnaść: Matarjały Mižnarodnaj navukovaj kanferencyi (Miensk, 26—27 traŭnia 1999 h.), — Miensk: Biełaruski knihazbor, 1999. — 346 s. — (Biełarusika=Albaruthenica; Kn.12). — Nakład 300 as. ISBN 985-6318-53-Ch

Robicca katoraja ŭžo sproba pravieści dumku pra ŭpłyŭ rasiejskaha klasyka na raźvićcio biełaruskaje kultury.

Słoŭnik biełaruskaj movy (ciažkaści pravapisu, vymaŭleńnia, akcentuacyi, słovaźmianieńnia). — Miensk: Sučasnaje słova, 2000. — 320 s. — Nakład 8000 as. ISBN 985-443-139-8

Vydańnie možna było b adznačyć jak biezdakornaje, kab tam nie vučyli čytačoŭ vymaŭlać «češski» dy «prašski».

Ł.Śmiłovickij. Jevriei Biełarusi: iz našiej obŝiej istorii, 1905—1953 h. Zbornik artykułaŭ. Navukova-papularnaje vydańnie. — Miensk: Arty-feks, 1999. — Nakład 250 as. ISBN 985-6119-42-1

Aŭtar, što ciapier žyvie ŭ Jerusalimie, robić uśled za svaimi biełaruskimi papiarednikami sprobu aśviatlić najvažniejšyja etapy historyi žydoŭ Biełarusi. Asobnaja ŭvaha nadajecca hałakostu j praviednikam narodaŭ śvietu, jakija ratavali žydoŭ z ryzykaj dla ŭłasnaha žyćcia ŭ časie druhoje suśvietnaje vajny.

Spadčyna. № 1, 2000. — Miensk, 2000. — 224 s. — Nakład 1889 as. ISSN 0236-1019

«Spadčyna» vyjšła sa spaźnieńniem. Časapis staŭ daražejšym — kaštuje 800 rubloŭ, a hetaksama źmienšyŭsia nakład. Ale hałoŭny redaktar Viačasłaŭ Rakicki aptymist — u Vuhorščynie j Čechii hetkija vydańni majuć nia bolš za 500—700 čytačoŭ.

Ahlad padrychtavaŭ Viktar Muchin