Vinšujem daškalataŭ!
Za apošnija 3--5 hadoŭ siarod biełaruskaj intelihiencyi adbyŭsia sapraŭdny baby boom. Jašče ŭzimku biełaruskich sadkoŭ u centry Miensku faktyčna nie isnavała.
Mara biełarusa. Sadok u samym centry schavaŭsia za zielaninaju drevaŭ. Łaskavyja vychavacielki razmaŭlajuć vyklučna pa-biełarusku (voś tolki z anhielskaj movaj maleču znajomiać). Dzietki roznaha vieku nahadvajuć vialikuju j šumnuju siamju (u ich krychu niazhoda z režymam dnia, jak u ichnych baćkoŭ z “režymam”). Heta dzieci palitykaŭ, muzykaŭ, mastakoŭ, žurnalistaŭ… Lepšych ludziej Biełarusi.
Mara… Jana amal zbyłasia. Pakul što heta tolki adna hrupa ŭ adnym ź lepšych sadkoŭ Centralnaha rajonu. U piatnicu 22 vieraśnia hetyja dzietki adznačajuć svajo pieršaje śviata — adkryćcio hrupy.
Arhanizavać takuju hrupku akazałasia na dziva prosta. Ale prablemaŭ chapaje. Dziaržaŭny sadok atrymlivaje mała hrošaj ź biudžetu. Niahledziačy na ŭsie namahańni baćkoŭ pravieści paŭnavartasny ramont, nabyć bolš jakasnuju meblu, zabiaśpiečyć dziaciej farbami, knižkami, aŭdyjokasetami – na ŭsio heta treba hrošaj. Tamu hrupa №3 sadka №314 (vuł.Bahdanoviča, u dvarach za kniharniaj “Maładość”) prosić dapamohi j šukaje sponsaraŭ (razavych i stałych).
Biada i z kadrami. Sadku terminova patrabujucca niańka j vychavacielka. Spradviečnaje hora biełaruskaj intelihiencyi: jość kamu kazać pramovy, niama kamu myć harški.
Biełaruskamoŭnyja dzietki čakajuć dapamohi. Sadok užo pracuje. U śpisie pakul što 17 imionaŭ. Chto viedaje, mo hetyja imiony varta zapomnić?
Kryścina Pučynskaja
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club2
Kamientary