nadvorje
To piače, to studzić
Apošnija 5—6 hadoŭ štotravień Biełhidramet paviedamlaje pra mahčymyja prymarazki. Pryčym ličby ź minusam hučać dosyć surjoznyja. Voś i sioleta ŭ apošniaj dekadzie traŭnia niekalki dzion čakali –5—6 0S na ŭščent asušanych paleskich bałatach i trochi mieniej — na astatniaj terytoryi krainy.
Zamarazki, praŭda, akazalisia nie takija mocnyja. Jany paškodzili ŭ paŭdniovych i centralnych rajonach bulbu dy ahurki, ale ničoha niezvyčajnaha nie adbyłosia. A paru hadoŭ tamu čynoŭnik ad sielskaj haspadarki niedzie paśla “travieńskich śviataŭ” klaŭsia, što ŭ krainie było da -14 0S, tamu, maŭlaŭ, uradžaju nie čakajcie. Choć takoha marozu nie byvaje nia tolki ŭ traŭni, ale i ŭ druhoj pałovie krasavika. Vidać, meteasłužba čas ad času daje kart-blanš Minsielhascharču.
Sioleta marozam asabliva nie prykryješsia, ale jość inšaja, sapraŭdy surjoznaja prablema — travieńskija apadki. Na Bieraściejščynie i paŭnočnaj Viciebščynie ludzkaha daždžu nie było ceły miesiac. I kali dadać, što śnieh na poŭdni syšoŭ jašče ŭ lutym, sytuacyja składałasia nia lepšym čynam. Ale ciapier, dziakuj bohu, daždžy prajšli. Suša 1963 i 1975 h. nie paŭtaryłasia. Dy biada ŭžo z daždžom: pry kancy minułaha miesiaca na Mienskim uzvyššy kolkaść apadkaŭ za sutki miescami pierakryvała miesiačnuju normu, jakaja vahajecca ad 45 da 65 mm. Takija liŭni na suchoj dahetul hlebie mohuć vyklikać eroziju.
Jury Frałoŭ
Kamientary