Biełaruś ruchajecca da biednaści
Interviju ź ministram zamiežnych spravaŭ Švecyi Annaj Lind
z nahody pracesu “Pahoni”
— Spadarynia Lind, jakoje Vašaje mierkavańnie pra biełaruski režym siońnia?
A.Ł.: Režym Łukašenki — vyrazna represiŭny režym, jaki ŭ ekanamičnym sensie adkidaje krainu nazad. Biełaruś mahła b być siońnia bahataj, demakratyčnaj i mocnaj krainaj — takoj, jak Estonija, Łatvija ci Litva. Adnak, na žal, Biełaruś ruchajecca ŭ advarotnym kirunku.
— Jakaja Vašaja dumka pra sytuacyju ŭ sfery ŚMI?
A.Ł.: Na žal, adnosiny biełaruskich ŭładaŭ ź niezaležnymi žurnalistami j niezaležnymi ŚMI paharšajucca. Nazirajucca j sproby vycisnuć niedziaržaŭnyja dy zamiežnyja arhanizacyi ź Biełarusi. Ułady ŭśviedamlajuć: nasielnictva moža pačać urešcie pratestavać suprać sytuacyi ŭ krainie. Tamu j chočuć, kab raspaŭsiudžvałasia jak maha mienš infarmacyi.
— Jakuju pazycyju zajmaje Švecyja adnosna sytuacyi ź ŚMI ŭ Biełarusi?
A.Ł.: U nas niama pramych palityčnych kantaktaŭ ź biełaruskimi ŭładami — z pryčyny sytuacyi ŭ krainie. My pratestujem — jak sami, tak i praz Eŭraźviaz.
— U vypadku z hazetaj “Pahonia” Švecyja vykaža jakuju-niebudź pazycyju?
A.Ł.: Tak. Ja čakaju, što my zrobim heta i sami, i praz Eŭrapiejski Źviaz. Na žal, daviadziecca paŭtaryć toje, što my šmat razoŭ havaryli raniej biełaruskim uładam, i ź vielmi maleńkim vynikam. My spadziajomsia, što Biełaruś zabiaśpiečyć svabodu presy i budzie pavažać pravy čałavieka. Paśla hetaha vašyja ŭłady zmohuć supracoŭničać z krainami Eŭraźviazu. U advarotnym vypadku Biełaruś zastaniecca ŭ izalacyi.
— Spadarynia Lind, što Vy dumajecie pra budučyniu Alaksandra Łukašenki?
A.Ł.: Sa škadavańniem pavinna adznačyć, što jon zajmaje siońnia mocnuju pazycyju. Heta vielmi ŭskładniaje sytuacyju ŭ Biełarusi. Ale ja vieru, što ludzi chutka ŭśviadomiać: Łukašenka — nia ichnaja budučynia. Jon tolki izaluje krainu j nie daje joj mahčymaści raźvivacca. Z hetaje pryčyny jon budzie vymušany syści, navat kali jahonaja ŭłada siońnia zdajecca davoli mocnaj. Niama perspektyvy ŭ tych, chto hruntuje svaju ŭładu na hvałcie j represijach, sudach nad palitykami j žurnalistami. Ułada ž pavinna budavacca tolki na asnovie sapraŭdnaj demakratyi.
Pavodle www.vitryssland.nu
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary