naviny haspadarskija
ZA VYRAB SAMAHONKI nieŭzabavie budzie ŭviedzienaja kryminalnaja adkaznaść. Abaviazkovaj stanie j markiroŭka ŭsich alkaholnych napojaŭ. Siońnia biez akcyznych marak pradajucca darahija viny, kańjaki i balzamy — ahułam heta pad 400 młn. plašak u hod.
NA 48,5 MŁN. DALARAŬ pavialičylisia sioleta valutnyja rezervy Biełarusi. Jany składajuć 252,9 młn. dalaraŭ. Załaty zapas krainy — 10,1 tony. Zołata majem stolki ž, kolki i ŭ pačatku hodu.
TAKSOŬKI PADARAŽELI na 20%. Ciapier za kožny kilametar dniom (ad 6 da 22-j) daviadziecca płacić 550, unačy (ad 22 da 6-j) — 825, za zamovu taksoŭki — 500 rubloŭ.
37,8 MŁN. DALARAŬ składajuć zapazyčanaści pa zarobkach. Najbolš zavinavacilisia svaim pracaŭnikam kałhasy i saŭhasy — za 26 młn.
450 TYS. DALARAŬ daŭ na likvidacyju nastupstvaŭ nadzvyčajnych zdareńniaŭ urad. Bolšaja častka hrošaj pojdzie na dezaktyvacyju punktaŭ pierahruzki ŭranavaj rudy ŭ Bieraści.
KASAVYJA APARATY DLA KVITKOŬ ustalujuć u pryharadnych aŭtobusach Mienščyny. Hetkim čynam buduć zmahacca z kiroŭcami i kanduktarami, jakija biaruć z pasažyraŭ hrošy, ale nie dajuć kvitki.
DVA NOVYJA PRADPRYJEMSTVY pačnuć pracavać u volnaj ekanamičnaj zonie “Miensk”. Biełaruska-amerykanskaje pradpryjemstva “Nafta” budzie vyrablać mazutu i kacielnaje paliva, a polska-rasiejskaje pradpryjemstva “Stołkar” — meblu. Pradpryjemstvy abiacajuć ukłaści ŭ ekanomiku krainy pad 5 młn. dalaraŭ ciaham 5 hadoŭ.
KREDYT na 30 młn. dalaraŭ daduć Mienskamu traktarnamu zavodu. Naŭzamien urad patrabuje, kab MTZ pavialičyŭ vyrab i prodaž traktaroŭ bolš čym udvaja — da 50 tys. u hod.
FIRMOVY CIAHNIK “HORADNIA–MASKVA” pačaŭ kursavać pa adpaviednym maršrucie. U jaho składzie — vahon SV, 5 kupejnych i 5 plackartnych, a taksama vahon-restaran.
450 TYS. DALARAŬ treba Haradzienskamu kanservavamu zavodu, kab raspačać vytvorčaść kancentravanaha jabłyčnaha soku. Pradpryjemstva źbirajecca nabyć sučasnaje zachodniaje abstalavańnie. Termin realizacyi prajektu — hod. Akupicca jon za 2 hady. Zavod prapanuje investaram stvaryć sumiesnaje pradpryjemstva.
S.I.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary