futboł
Małafiejeŭ ci nie Małafiejeŭ
Absalutna biezabaronna vyhladała futbolnaja zbornaja Biełarusi ŭ hulni suprać kamandy Niderlandaŭ, prajhranaj ź likam 0:3. Eduard Małafiejeŭ pierad hulnioj z mocnym supiernikam talenavita zachandryŭ i zastaŭsia nibyta nie vinavatym. Ciapier jon, mahčyma, pasprabuje viarnucca ŭ zbornuju sa špitalu, kab pierajhrać siaredniuju kamandu Aŭstryi i hodna vyhladać u hulni suprać Čechii ŭ siaredzinie kastryčnika, paralelna sprabujučy vyrašyć niekatoryja svaje prablemy, u tym liku padvyšeńnia zarobku. Prynamsi, pytańnie ab hetym užo ŭzdymałasia. A mo futbolnaja federacyja pasprabuje znajści novaha kiraŭnika kamandy? Ale tady paŭstaje dylema ab hramadzianstvie hetaha specyjalista. Naskija trenery pakul nie daciahvajuć navat da ŭzroŭniu hulcoŭ nacyjanalnaj zbornaj, tamu jašče nieviadoma, chto kaho, u vypadku takoha pryznačeńnia, budzie treniravać. Dobry zamiežny specyjalist pracavać u Biełaruś za 50 tys. dalaraŭ u hod nie pajedzie (prykładna stolki atrymaŭ E.Małafiejeŭ u 2001 h.). Vyjście — albo šukać hrošy (razoŭ u šeść bolej), albo zadavalniacca “zhublenym” na łavie zapasnych Valerjem Stralcovym. Albo... u katory raz uhavorvać zastacca Małafiejeva. Dziŭna, ale staličny “balelščycki” bamond maryć mienavita ab apošnim.
Alaksiej Šydłoŭski
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami35
Kamientary