Схему нацыяналізацыі «Спартака» і «Камунаркі» прапішуць у законе аб прыватызацыі
Змены ў закон дазволяць дзяржаве павялічваць сваю долю ў акцыянерных таварыствах праз суд
Дзяржаўны камітэт па маёмасці падрыхтаваў змены ў закон «Аб прыватызацыі».
У законапраекце гаворыцца, што аднаўленне правоў дзяржавы пры штварэнні акцыянерных таварыстваў, створаных у працэсе пераўтварэння, адбываецца
«у тым ліку шляхам выпуску дадатковых акцый і перадачы іх Рэспубліцы Беларусь і (або)адміністрацыйна-тэрытарыяльным адзінкам на падставе судовай пастановы гаспадарчага суда».
Для прымусовага ўнясення змяненняў і дапаўненняў у статуты акцыянерных таварыстваў у рэгіструючы орган неабходна будзе прадаставіць заяву судовага выканаўцы, судовы загад, а таксама праект змяненняў і дапаўненняў у статут.
Для правядзення дадатковай эмісіі спатрэбіцца заява судовага выканаўцы і судовы загад аб прызнанні за дзяржавай правоў на акцыі, якія будуць выпушчаныя падчас дадатковай эмісіі.
Як паведамлялася, у жніўні 2012 года дзяржава падала іскавыя заявы ў Вышэйшы гаспадарчы суд аб аднаўленні правоў Рэспублікі Беларусь на акцыі СП ААТ «Спартак» і СААТ «Камунарка». На думку ДКІ, доля дзяржавы была незаконна прыніжаная ў ходзе прыватызацыі абедзвюх фабрык ў
ВГС задаволіў іскавыя патрабаванні ў поўным аб’ёме.
У кастрычніку агульны сход акцыянераў «Камунаркі» прыняў рашэнне аб дадатковай эмісіі і павелічэнні долі дзяржавы ў фабрыцы да больш за 57%. Аналагічная працэдура прайшла на «Спартаку», доля дзяржавы ў ААТ вырасла да 60%.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер5
Каментары