У пятніцу ў Гарадзенскім раёне адбудзецца імша памяці ахвяраў вайны ў Навумавічах.
У той час захопнікі правялі масавыя арышты, што сталі карнаю акцыяй за забітага партызанамі фашысцкага паліцая.
13 ліпеня 1943 года сярод 50 расстраляных заложнікаў (большую частку якіх складалі цэлыя сем’і інтэлігентаў) апынуліся 6 святароў з Гродна, Дамброўкі, Ліпска і Рыгалаўкі.
Трагедыя 43‑га года каля Навумавічаў была асвячана гераічнаю ахвяраю жыхаркі Ліпска Мар’яны Бярнацкай. Яна аддала сваё жыццё ўзамен за жыццё цяжарнай нявесткі, якую павінны былі расстраляць фашысты. Нямецкі афіцэр згадзіўся на прапанову Мар’яны Бярнацкай расстраляць яе замест маладой жанчыны, і такім чынам яна загінула разам са сваім сынам, а нявестка Ганны і яе ненароджаны ўнук засталіся жыць.
13 чэрвеня 1999 г. у Варшаве Мар’яна Бярнацкая сярод 108 мучанікаў была беатыфікавана Янам Паўлам II.
Цяпер чытаюць
Хто забараняе ў Беларусі кнігі — вось гэтыя 22 чалавекі10
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары