Студэнт Віленскага ўніверсітэта, які не хацеў пераходзіць на навучанне на платнай аснове, пры дапамозе ўласнага камп’ютара здолеў падлучыцца да інфармацыйнай сістэмы ўніверсітэта і «палепшыць» адзнакі не толькі сабе, але і сваім сябрам.
Гэта стала вядома ў выніку расследавання, праведзенага Бюро крымінальнай паліцыі Літвы і пракуратуры Віленскай акругі ў сувязі з незаконным узломам інфармацыйнай сістэмы ВУ.
22 гадовы Юсцінас В., які пасля устаноўленых фактаў ўзлому быў выключаны з універсітэта, усяго мяняў адзнакі 27 разоў — усё гэта ён рабіў на працягу 8 месяцаў. Для падлучэння да сістэмы ВУ студэнт выкарыстаў дадзеныя і паролі выкладчыкаў ўстановы.
Пра нестандартныя здольнасці Юсцінаса ведалі яго аднакурснікі — за больш высокія ацэнкі ён ад іх атрымліваў сімвалічнае ўзнагароджанне. Як высветлілася, студэнту сябры плацілі 140–300 літаў (450–900 тыс. рублёў) у агульнай складанасці за 8 месяцаў ён зарабіў каля 1300 літаў (каля 4 млн рублёў).
Як усталявала следства, студэнт факультэта матэматыкі і інфарматыкі дапамагаў «палепшыць» ацэнкі яшчэ 10 студэнтам.
Студэнту ўдалося пранікнуць у базу дадзеных ВУ, дзе ён выявіў звесткі падлучэння і паролі выкладчыкаў.Хакер распавёў, што пры дапамозе ўвядзення ў пошукавую сістэму Google пэўных слоў вывучыў структуру універсітэцкага сайта і зразумеў, што яна не абаронена.
Студэнт сабе і сваім сябрам падвышаў ацэнкі на некалькі балаў, але былі выпадкі, калі ён замест запісу «Не дапушчаны да іспыту» упісваў ацэнку 5 ці 7 балаў.
Суд пастанавіў пакараць Юсцінаса В. штрафам у памеры 8 000 літаў (26,4 млн рублёў), акрамя таго, у яго канфіскаваны сістэмны блок камп’ютара.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары