Дактары парэкамендавалі сваякам Нэльсана Мандэлы адключыць яго ад апарата жыццезабеспячэння. Медыкі прыйшлі да высновы, што былы прэзідэнт Паўднёва-Афрыканскай Рэспублікі знаходзіцца ў «перманентным вегетатыўным стане».
Звесткі аб заключэнні дактароў утрымліваюцца ў судовым дакуменце ад 26 чэрвеня, які апынуўся ў распараджэнні AFP 4 ліпеня. Агенцтва са спасылкай на атрыманыя ім матэрыялы паведамляе таксама, што сваякі экс-прэзідэнта
лічаць прапанаванае рашэнне вельмі верагодным, бо не хочуць «працягваць пакуты» Мандэлы.Вывучыць стан былога прэзідэнта суду ў ПАР прыйшлося ў сувязі з разглядам сямейнай спрэчкі пра перапахаванне траіх яго дзяцей.
Вегетатыўны стан характарызуецца няздольнасцю хворага да самаадвольнай ментальнай актыўнасці з-за пашкоджанняў або дысфункцыі паўшар'яў галаўнога мозгу. 94-гадовага Мандэлу, які 8 чэрвеня трапіў у лякарню з-за лёгачнай інфекцыі, 27 чэрвеня прыйшлося падключыць да апарата штучнага дыхання.
***
Нэльсан Мандэла атрымаў вядомасць як праваабаронца ў перыяд існавання ў ПАР апартэіду, ён 27 гадоў правёў у турме і выйшаў на волю ў 1990 годзе. Затым ён атрымаў Нобелеўскую прэмію міру і з 1994 па 1999 год быў першым чарнаскурым прэзідэнтам Паўднёвай Афрыкі.
Цяпер чытаюць
21‑гадовага курсанта Акадэміі авіяцыі асудзілі за Гаюна4
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары