З мэтай ліквідацыі наяўных дысбалансаў у эканоміцы неабходна ў кароткатэрміновы перыяд правесці плаўную дэвальвацыю нацыянальнай валюты, мяркуюць спецыялістыНавукова-даследчага эканамічнага інстытута (НДЭІ) Міністэрства эканомікі.
Эксперты канстатуюць, што эканамічны рост у краіне забяспечваецца за кошт унутранага попыту. «Ва ўмовах пашырэння ўнутранага попыту пры сцісканні знешняга і запаволенні дынамікі ў асноўных галінах рэальнага сектара ў эканоміцы Беларусі цяпер фарміруецца шэраг тэндэнцый, якія парушаюць макраэканамічную збалансаванасць», — мяркуюць спецыялісты НДЭІ Мінэканомікі, пазіцыя якіх адлюстравана ў жнівеньскім нумары «Экономического бюллетеня», які выдаецца інстытутам.
«Адставанне тэмпаў дэвальвацыі нацыянальнай валюты ад тэмпаў інфляцыі і ўмацаванне беларускага рубля адмоўна адбіваецца на цэнавай канкурэнтаздольнасці беларускай прадукцыі», — канстатуюць эксперты.Эканамісты адзначаюць, што «дэфіцыт знешняга гандлю таварамі, які расце з месяца ў месяц», пагаршае сітуацыю ў плацежным балансе.
Акрамя таго, лічаць у НДЭІ, павялічваецца адставанне тэмпаў росту вытворчасці ад дынамікі спажывання, што вядзе да павелічэння продажаў імпартных тавараў.
Паводле іх ацэнак, апераджальны рост заработнай платы забяспечваецца за кошт зніжэння прыбытковасці айчынных прадпрыемстваў.У якасці яшчэ адной негатыўнай тэндэнцыі эксперты называюць рост заработнай платы, якая «істотна апярэджвае дынаміку прадукцыйнасці працы».
«Ва ўмовах жорсткай канкурэнцыі на рынку арганізацыі вымушаны памяншаць сваю рэнтабельнасць, каб кампенсаваць рост расходаў на зарплату і застацца канкурэнтаздольнымі па цане», — мяркуюць спецыялісты НДЭІ Мінэканомікі.
Эксперты лічаць, што зніжэнне рэнтабельнасці суправаджаецца нарошчваннем аб’ёмаў складскіх запасаў гатовай прадукцыі з прычыны падзення аб’ёмаў рэалізацыі на экспарт. Усё гэта прыводзіць да вымывання абаротных сродкаў прадпрыемстваў, канстатуюць спецыялісты.
«З мэтай ліквідацыі наяўных дысбалансаў» у эканоміцы, працягваюць яны, «патрабуецца рэалізацыя шэрагу мер па паляпшэнні сітуацыі».
У прыватнасці, спецыялісты НДЭІ Мінэканомікі лічаць неабходнай «правядзенне ў кароткатэрміновым перыядзе плаўнай дэвальвацыі нацыянальнай валюты на велічыню дэвальвацыі курсу расійскага рубля да долара ЗША з пачатку года для павышэння канкурэнтаздольнасці беларускай прадукцыі на знешніх рынках і абароны ўнутранага рынку».
Да ліку неабходных мер эксперты таксама адносяць «стымуляванне прытоку прамых замежных інвестыцый, у тым ліку шляхам прыватызацыі», абмежаванне росту зарплат, правядзенне мерапрыемстваў «па звязванні даходаў насельніцтва».
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары