Пракуратура Гомельскага раёна 2 чэрвеня накіравала ў суд крымінальную справу ў дачыненні да 26-гадовага жыхара Гомеля, які абвінавачваецца ў махлярстве.
Грамадзянін ашукаў даверлівых грамадзян на 650 млн. рублёў. Па справе праходзяць 15 пацярпелых. Як паведаміў БелаПАН пракурор Гомельскага раёна Уладзіслаў Журакоўскі, малады чалавек арандаваў гараж, браў у рамонт аўтамабілі, прысвойваў папярэднюю аплату, запчасткі і затым прадаваў транспартныя сродкі. На адным з чужых аўтамабіляў аўтаслесар без вадзіцельскіх правоў паехаў катацца п'яным і быў затрыманы супрацоўнікамі ДАІ, чым дадаў у свой паслужны спіс яшчэ адзін артыкул Крымінальнага кодэкса.
Разам з папярэдняй аплатай ён узяў у рамонт дзевяць аўтамабіляў, тры з іх паспеў прадаць.
Кліентам ён абяцаў хуткі рамонт і афарбоўку, даваў распіскі, а тым часам размяшчаў аб'явы ў газетах і прадаваў аўтамабілі па заніжанай цане. Пакупнікам жа, узяўшы грошы за аўтамабіль, абяцаў пазней перааформіць дакументы. Нашкодзіў махляр і гаспадару гаража, выкраўшы ў яго інструменты для рамонту.
У 2011 годзе гамяльчанін быў асуджаны за аналагічныя злачынствы. Вызваліўшыся ў жніўні 2013 года, тут жа вярнуўся да прывычнай справы.
Дзякуючы супрацоўнікам СК і міліцыі пацярпелым вернута маёмасць і грошы ў агульнай суме на 522 млн. рублёў, астатнія грошы абвінавачваны зрасходаваў на ўласныя патрэбы.
«Умовай, што спрыяла ўчыненню злачынства, стала жаданне грамадзян танней адрамантаваць аўтамабілі. Пацярпелыя звярталіся не ў спецыялізаваныя аўтасэрвісы, дзе афармляюць дагаворы і даюць гарантыю, што і пацягнула праблемы ў іх і магчымасць узбагаціцца за чужы кошт у абвінавачванага», — адзначыў Журакоўскі.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары