bymedia.net
Канцэрн «Белнафтахім» абвясціў аб першым у 2015 годзе павышэнні цэнаў на аўтамабільнае паліва: ад 4,4% да 5,1% (у сярэднім на 4,7%).
З 13 студзеня цана бензіну Аі-92-К5-Еўра ўсталяваная на ўзроўні 11.100 рублёў (500, або 4,7%), бензіну Аі-95 — 11.900 рублёў (500; + 4,4%), дызпаліва К5 — 12.300 (600; + 5,1%), «Нармаль-80» — 10.000 (450; + 4,7%).
Рознічныя цэны на аўтамабільнае паліва «часткова праіндэксаваныя ў сувязі з ростам курсу даляра да беларускага рубля», гаворыцца ў паведамленні канцэрна. Перагляд цэнаў зроблены таксама «ў сувязі з ростам цаны расійскай нафты для беларускіх НПЗ пры увядзенні з 1 студзеня 2015 падатковага манеўру ў Расійскай Федэрацыі».
Папярэдняе павышэнне рознічных цэн на паліва адбылося 1 кастрычніка 2014 года.
Дарэчы, цяпер жыхары памежных з Расіяй раёнаў больш ахвотна запраўляюцца ў РФ, перавозчыкі, што едуць праз Беларусь транзітам, таксама перасталі набываць паліва на нашых запраўках. Паліва ў Расіі цяпер каштуе на 40% танней.
Паводле некаторых звестак, продажы паліва ў Беларусі ўпалі на 30%.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары