Лукашэнка даручыў ураду і ФПБ вырашыць праблемныя пытанні з выплатамі па бальнічных лістах
Аляксандр Лукашэнка даручыў ураду і Федэрацыі прафсаюзаў Беларусі (ФПБ) вырашыць праблемныя пытанні, звязаныя з выплатамі па бальнічных лістах, паведамілі ў прэс-службе прэзідэнта па выніках яго сустрэчы 28 красавіка з кіраўніком ФПБ Міхаілам Ордам.
Лукашэнка і Орда абмеркавалі практыку прымянення пастановы Савета міністраў № 569, якая рэгулюе пытанні выплат па бальнічных лістах, дзеянне якой закранула, у прыватнасці, становішча маладых работнікаў і жанчын, якія ідуць у дэкрэтны адпачынак. Вырашэнне праблемных пытанняў, выкліканых дзеяннем гэтай пастановы, кіраўнік дзяржавы даручыў знайсці ў найбліжэйшы час.
На сустрэчы таксама закраналася пытанне стварэння прафарганізацый у прыватным сектары эканомікі. Акрамя таго, як паведамляе прэс-служба прэзідэнта, Лукашэнка пацікавіўся тым, як вядзецца падрыхтоўка да з'езда федэрацыі, які павінен адбыцца 22 мая.
Лукашэнка падкрэсліў, што асноўнай задачай прафцэнтра з'яўляецца «кантроль за выкананнем працоўнага заканадаўства» і «аптымізацыя расходаў павінна весціся за кошт іншых артыкулаў, а не эканоміі на людзях».
Кіраўнік дзяржавы таксама падзякаваў ФПБ за работу па добраўпарадкаванні Кургана Славы ў Смалявіцкім раёне Мінскай вобласці. «Вы робіце добрую справу. Ні ў каго грошай, рабочых не прасілі, завяршаеце прывядзенне ў парадак Кургана Славы — гэта вялікі ўклад», — заявіў Лукашэнка.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары