У мінскай кватэры знайшлі забітага 9-гадовага хлопчыка, а каля дома — памерлую жанчыну
sk.gov.by
«Жанчына забіла сябра свайго сына. Дзіцяці гадоў дзевяць. Гэта было ў Заводскім раёне, як мяркуецца, у суботу, прыйшлі дзеці да іх дадому, пагулялі там, потым яна яго забрала ў дом сваёй маці і задушыла», — паведаміла Tut.by чытачка.
Факт гібелі дзіцяці пацвердзілі ў прэс-службе Следчага камітэта.
«Заведзена крымінальная справа па факце забойства 9-гадовага хлопчыка. Цела дзіцяці з прыкметамі гвалтоўнай смерці было выяўлена 5 верасня ў адной з кватэр сталіцы. Акрамя таго, ля пад'езда гэтага дома было знойдзена цела 32-гадовай маці аднаго з аднакласнікаў загінулага хлопчыка, з прыкметамі падзення з вышыні», — распавялі ў ведамстве.
Праваахоўнымі органамі ўстанаўліваюцца ўсе абставіны здарэння.
«Ход расследавання крымінальнай справы узяты на асабісты кантроль кіраўніцтва ведамства», — адзначылі ў Следчым камітэце.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары