Былы пасол Польшчы ў Беларусі і былы дарадца прэм’ера: Санкцыі супраць «Белнафтахіму» надта балючыя для беларускіх уладаў.
Былы пасол Польшчы ў Беларусі і былы дарадца прэм’ера: Санкцыі супраць «Белнафтахіму» надта балючыя для беларускіх уладаў.
Марыюш Машкевіч: Санкцыі супраць «Белнафтахіму» надта балючыя для беларускіх уладаў. Узгадаем хоць бы й надзвычай эмацыйную рэакцыю на іх Аляксандра Лукашэнкі. Ён нават агучыў рашэньне перайсьці ў разьліках на эўра.
У 1998-2002 беларускія ўлады выкарыстоўвалі безьліч праўных, фінансавых і арганізацыйных схемаў, каб пазьбегнуць міжнародных санкцыяй, якія былі накладзеныя, напрыклад, на Ірак, Сырыю, Судан, Іран, Сэрбію. Гандлявалі нафтай, зброяй і іншымі тэхналягічнымі таварамі, што давала магчымасьць папаўняць бюджэт. Сёньняшнія цяжкасьці беларускай эканомікі можна было адужаць, выкарыстоўваючы спрацоўніцтва з Іранам і Вэнэсуэлай. Дзедя чаго былі падпісаныя дамовы на продаж вэнэсуэльскай нафты. «Белнафтахім» мелі выкарыстаць як дапаможную структуру. Амэрыканцы насамрэч не ўвялі поўнамаштабных санкцый супраць Беларусі, а толькі абмежавалі дзейнасьць вэнэсуэльскіх экспарцёраў праз пасярэднікаў.
Ці могуць краіны ЭС падтрымаць санкцыі ЗША? Гэтае пытаньне трэба ўвязваць з выпрацоўкай пазыцыі адносна санкцыяў у дачыненьні Вэнэсуэлы. А гэта ўжо надта складаная праблема і доўгатэрміновая працэдура.
Польскія ўлады былі супраць увядзеньня ЭС эканамічных санкцыяў супраць Беларусі, што вынікае з разуменьня супольных інтарэсаў, і ня толькі інтарэсаў уладаў і самаго прэзыдэнта. У выпадку з Вэнэсуэлай, як некалі ў выпадку з Сэрбіяй ці Іракам, справа выглядае інакш. Эўрасаюз ня ўводзіў санкцый супраць Беларусі за эканамічныя і грашовыя гешэфты з рэжымамі Мілошавіча і Хусэйна.
Да таго ж, працэдуры ў Брусэлі доўгія і збюракратызаваныя. Прашу заўважыць, што апошнія санкцыі, абвешчаныя ў дачыненьні Менску Брусэлем, датычаць парушэньня правоў працоўных і зьнішчэньня незалежных прафсаюзаў. А справа цягнулася ад 1997 году!
Камэнтар быў узяты 10 студзеня. Прыносім прабачэньні паслу Машкевічу за тое, што публікацыя цяпер, пасьля новага вітка санкцый, не ўзгаднялася зь ім.
-
«Большая частка сядзіць сумленна, але ціха». Павел Вінаградаў пра палітвязняў, чые прозвішчы невядомыя
-
Польскі дыпламат расказаў, як Лукашэнка ўмее «ачароўваць суразмоўцаў» і хто робіцца ягонымі ахвярамі
-
«Дык што вам яшчэ трэба, шаноўныя кіраўнікі ЕГУ?» Севярынец заклікаў беларусізаваць універсітэт, пакуль не позна
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень9
Каментары