Некалькі тысяч чалавек выйшлі на акцыю пратэсту ў цэнтры Кішынёва. Як перадае карэспандэнт ТАСС з месца падзей, пратэстоўцы заблакавалі будынак парламента, мітынгоўцы працягваюць прыбываць.
Паводле ацэнак паліцыі, у акцыі бяруць удзел 10 тысяч чалавек. Яны патрабуюць анулявання ўчорашняга галасавання па зацвярджэнні ўрада, роспуску парламента і прызначэння даты датэрміновых выбараў.
Людзі прадстаўляюць правую «Грамадзянскую платформу DA», а таксама левыя «Партыю сацыялістаў» і «Нашу партыю».
Пратэстоўцы трымаюць дзяржаўныя сцягі Малдовы і скандуюць «Датэрміновыя выбары!», «Далоў парламент!», «Не ўраду алігархаў!», «Бандытаў — у турму!».
У цэнтры малдаўскай сталіцы ўзмоцнены меры бяспекі.
Беспарадкі ля будынка парламента пачаліся ўвечары 20 студзеня. Прычынай стала зацвярджэнне дэпутатамі новага складу ўрада і прапанаванай кабінетам міністраў праграмы. Пратэстоўцы прарвалі паліцэйскі кардон і ўварваліся ў будынак.
***
Палітычны крызіс у Малдове працягваецца ўжо некалькі месяцаў. У кастрычніку мінулага года прэм'ер-міністр Валерый Стралец быў адпраўлены ў адстаўку пасля таго як галоўныя апазіцыйныя партыі выказалі яму вотум недаверу.
Каментары