Афганскія ўлады атрымалі ў падарунак ад Расіі 10 тысяч аўтаматаў і мільёны патронаў, паведамляе Рэйтэр. Паводле дадзеных афганскіх СМІ, гаворка ідзе пра аўтаматы Калашнікава.
«Гэты падарунак сведчыць аб моцнай дружбе паміж дзвюма нацыямі», — заявіў дарадца прэзідэнта Афганістана па нацыянальнай бяспецы Ханіф Атмар.
Паводле яго слоў, аўтаматы і патроны прадастаўленыя ў адпаведнасці з расійска-афганскім пагадненнем па бяспецы.
Пасля пагаршэння адносінаў Масквы з Захадам расійскія чыноўнікі неаднаразова заяўлялі аб жаданні ўмацаваць сувязі з Афганістанам.
Летась таксама з'явіліся дадзеныя аб кантактах Расіі і руху «Талібан». У прыватнасці, спецпрадстаўнік прэзідэнта Расіі па Афганістане Замір Кабулаў паведамляў, што ў Масквы ёсць агульныя інтарэсы з талібамі ў плане барацьбы з «Ісламскай дзяржавай».
Таксама паведамлялася, што Расія гатовая абмяркоўваць паслабленне санкцый у дачыненні да «Талібана». Пры гэтым прадстаўнікі руху «Талібан» у Афганістане адмаўлялі, што праводзілі перамовы з Расіяй адносна процідзеяння «Ісламскай дзяржаве».
На пачатку лютага агенцтва Асашыэйтэд прэс паведамляла са спасылкай на крыніцы ў амерыканскай выведцы, што Расія пастаўляе зброю талібам і навучае іх. Таксама з'яўлялася інфармацыя аб сустрэчах прадстаўнікоў «Талібану» з расійскім кіраўніцтвам. Масква гэтыя паведамленні адпрэчвала.
Цяпер чытаюць
Хто забараняе ў Беларусі кнігі — вось гэтыя 22 чалавекі13
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары