Queen, Леона Льюіс, Эні Ленакс і Soweto Gospel Choir выступяць на канцэрце, прысьвечаным 90-годзьдзю Нэльсана Мандэлы.
Queen, Леона Льюіс, Эні Ленакс і Soweto Gospel Choir выступяць на канцэрце, прысьвечаным 90-годзьдзю Нэльсана Мандэлы.
Былы прэзыдэнт Паўднёвай Афрыкі наведае Лёндан, каб прыняць удзел у мерапрыемстве, якое адбудзецца 27 чэрвеня.
Канцэрт, які адбудзецца ў Гайд Парку, наведаюць 46664 чалавекі – менавіта такі быў турэмны нумар спадара Мандэлы падчас ягонага пажыцьцёвага зьняволеньня.
«46664» – гэта й назва канцэрту.
Мерапрыемства праводзіцца з 2003 года пры ўдзеле самога спадара Мандэлы. Традыцыйная мэта – прыцягнуць увагу грамадзкасьці да праблемаў сусьветнай эпідэміі СНІД. Але гэтым разам яно суправаджаецца віншаваньнем спадара Мандэлы з 90-годзьдзем.
Арганізатары абяццаюць выступы многіх вядомых зорак, некаторыя зь якіх пакуль не афішуюцца – гэта будзе свьяточны сюрпрыз для спадара Мандэлы й слухачоў.
20 гадоў таму падобны канцэрт праводзіўся на стадыёне Ўэмблі – з заклікам вызваліць спадара Мандэлу з турмы, каб ён мог прыстойна адзначыць 70-годзьдзе.
Тады на канцэрце выступілі Стынг, Уітні Х’юстан ды іншыя вялікія зоркі.
Між іншым, уласна ў дзень нараджэньня спадара Мандэлы, 18 ліпеня, людзі ўсяго сьвету змогуць павіншаваць імяніньніка асабіста, даслаўшы яму СМС-паведамленьне. Фонд Нэльсана Мандэлы ўжо вядзе адпаведныя перамовы з апэратарамі мабільнай сувязі.
Нэльсан Мандэла, народжаны ў 1918 годзе, праславіўся як змагар з апартэідам і лідэр Афрыканскага Нацыянальнага Кангрэсу. За сваю барацьбу ён быў асуджаны на пажыцьцёвы тэрмін, і правёў у турме 27 гадоў.
Па выйсьці з турмы ў 1990-м, спадар Мандэла праводзіў палітыку замірэньня й перамоваў, што дапамагло Паўднёвай Афрыцы перайсьці да шматрасавай дэмакратыі.
У 1993 годзе Нэльсан Мандэла быў узнагароджаны Нобэлеўскай прэміяй міра. А ў 1994, па прашэсьці больш чым трохсот гадоў белага кіраваньня – абраны першым чарнаскурым прэзыдэнтам ПАР.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары