Рэестр асабліва ахоўных прыродных тэрыторый стаў даступны на сайце Мінпрыроды
Рэестр асабліва ахоўных прыродных тэрыторый стаў даступны ў электронным выглядзе на сайце Міністэрства прыродных рэсурсаў і аховы навакольнага асяроддзя Беларусі, паведамілі ў прэс-службе міністэрства.
«Базу даных збірае і вядзе ўпаўнаважаная Мінпрыроды арганізацыя — РУП «БелНДЦ Экалогія». Паслугі па прадастаўленні змешчанай у рэестры інфармацыі, якая патрабуе папярэдняй падрыхтоўкі — выбаркі, абагульнення, апрацоўкі, аналізу, аказваюцца спецыялістамі на платнай аснове», — растлумачылі ў прэс-службе.
Неабходную інфармацыю можна атрымаць, перайшоўшы па спасылцы.
Палажэнне аб парадку вядзення рэестра асабліва ахоўных прыродных тэрыторый Рэспублікі Беларусь і аказання паслуг па прадастаўленні існуючай у ім інфармацыі зацверджана пастановай Савета Міністраў у кастрычніку 2015 года.
Каментары