Прэзідэнт Украіны Пятро Парашэнка абвінавачвае Расію ў падрыхтоўцы тэрактаў ва Украіне.
Пра гэта ён заявіў у інтэрв'ю балгарскаму тэлеканалу bTV, перадаюць Українські Новини.
«Толькі за апошні год мы прадухілілі каля 300 тэрарыстычных нападаў, якія рыхтаваліся з боку Расійскай Федэрацыі. Тэрарысты рыхтаваліся ў падрыхтоўчых цэнтрах на тэрыторыі Курскай, Белагародскай і Растоўскай абласцей. Мы іх затрымалі з выбуховымі рэчывамі падчас падрыхтоўкі тэрарыстычных актаў і прадэманстравалі свету», — адзначыў ён.
Пры гэтым, каментуючы тэракт у Турцыі 28 чэрвеня, Парашэнка падкрэсліў, што Украіна бок аб бок з турэцкім народам будзе процідзейнічаць тэрору, паколькі ў барацьбе з гэтай з'явай неабходна аб'ядноўваць намаганні.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары