Украіна рыхтуецца да ўвядзення ваеннага становішча на вучэннях «Паўднёвы вецер—2016»
Увесь гэты тыдзень на тэрыторыі Украіны праходзяць вучэнні «Паўднёвы вецер» — стратэгічны этап комплексных камандна-штабных вучэнняў, паведаміў сайт Міністэрства абароны краіны.
У «Паўднёвым ветры» удзельнічаюць органы кіравання стратэгічнага і аператыўна-стратэгічнага ўзроўню - то бок самыя галоўныя ўкраінскія штабныя структуры - а таксама асобныя вайсковыя часці і падраздзяленні ўсіх кампанентаў Узброеных сіл Украіны.
Асобая ўвага надаецца пытанням тэрытарыяльнай абароны і працэсу планавання і кіравання сіламі і сродкамі ва ўмовах рэжыму ваеннага становішча.
Тыдзень таму сакратар Нацыянальнай Рады бяспекі і абароны Украіны Аляксандр Турчынаў не выключыў, што ваеннае становішча можа быць уведзенае ў сувязі з абвастрэннем сітуацыі на лініі размежавання з тэрыторыяй, акупаванай расійскімі баевікамі.
«Асноўнай мэтай падрыхтоўкі з'яўляецца ўдасканаленне дзейнасці органаў вайсковага кіравання і ўзаемадзеяння аператыўных, аператыўна-тактычных груповак падчас правядзення стратэгічных дзеянняў у вызначаных аперацыйных зонах», — паведамляе Мінабароны.
Акрамя чыста штабных вучэнняў, будуць праводзіцца баявыя стрэльбы, дэсантаванне і рэйды Высокамабільных дэсантных войскаў, пераадоленне водных перашкод. Будуць таксама адпрацоўвацца дзеянні авіяцыі і супрацьпаветранай абароны.
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары