Мінчанка звярнулася ў Першамайскае РУУС сталіцы з заявай аб тым, што з яе банкаўскай плацежнай карткі, якую яна згубіла ў краме, адбыўся крадзеж грашовых сродкаў. Пра гэта паведамляе прэс-служба ГУУС Мінгарвыканкама.
Жанчына рабіла пакупкі ў краме па вуліцы Сувязістаў у Мінску. Разлічыўшыся сваёй банкаўскай карткай, не заўважыла, што выпусціла яе з рук каля касы і пайшла дадому. Выявіўшы на наступны дзень прапажу, жанчына звярнулася да супрацоўнікаў крамы. Картка сапраўды была згубленая ў краме і, пасля сведчання асобы, была вернутая законнай уладальніцы, толькі на балансе не хапала больш за 300 рублёў.
У ходзе правядзення аператыўна-вышуковых мерапрыемстваў супрацоўнікам групы па раскрыцці злачынстваў у сферы высокіх тэхналогій удалося высветліць, што крадзеж грашовых сродкаў з банкаўскай карткі здзейсніў ахоўнік крамы, якому перадалі картку на захоўванне. Грашовыя сродкі былі спісаныя з яе пры аплаце тавараў на сайце AliЕxpress, бо пры афармленні там пакупкі не патрабуецца ўвод PIN-кода і дастаткова даных, якія маюцца на адным баку карты, якія ахоўнік крамы і перапісаў.
Дзеянні мужчыны кваліфікуюцца па ч. 1 арт. 212 КК РБ (Крадзеж шляхам выкарыстання камп'ютарнай тэхнікі). Санкцыя дадзенай часткі артыкула прадугледжвае пакаранне ў выглядзе пазбаўлення волі да 3-х гадоў.
Цяпер чытаюць
Хто забараняе ў Беларусі кнігі — вось гэтыя 22 чалавекі10
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары