Італьянскую актрысу Азію Арджэнта, што першай заявіла пра дамаганні галівудскага прадзюсара Харві Вайнштэйна, выкрылі ў непрыстойных паводзінах. Як піша The New York Times, у кастрычніку мінулага года яна заплаціла $ 380 тыс. акцёру Джымі Бенету, што абвінаваціў яе.

Бенет сцвярджаў, што ў 2013 годзе 37-гадовая Арджэнта накінулася на яго ў гатэлі ў Каліфорніі: яна частавала яго алкаголем і прыставала. Адзначаецца, што ў той момант акцёру было 17 гадоў, а ўзрост згоды ў дадзеным штаце — 18.
Першапачаткова Бенет патрабаваў ад жанчыны $ 3,5 млн за стрэс, з-за якога пад пагрозай аказаліся псіхічнае здароўе і кар'ера акцёра. У ходзе перамоў адвакатаў сума выплат была паменшаная.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Каментары