Ахвяра нападу акулы: Я адчуў, што ў целе чагосьці не хапае, і гэта была нага
23-гадовы Калеб Суанепоэль з Кейптаўна страціў нагу з-за нападу акулы. Хлопец займаўся сёрфінгам, калі заўважыў драпежніцу і падняў трывогу, але дабрацца да берага так і не паспеў, распавядае Daily Mail.
Калеб Суанепоэль займаўся сёрфінгам разам з двума сваімі братамі, калі заўважыў побач вялікую белую акулу. Ён тут жа падняў трывогу, і хлопцы сталі з усіх сіл веславаць да берага.
«Я павярнуўся да братоў і крыкнуў: «Акула! Плывіце!» Мы пачалі грэбці так хутка, як маглі, але ў мяне было жудаснае пачуццё, што адбудзецца нешта дрэннае. І ў гэты момант я адчуў, як нешта ўчапілася ў маё цела».
Сёрфер адчуў, што акула спрабуе пацягнуць яго ад берага, і стаў супраціўляцца з усіх сіл.
«Акула схапіла мяне і пацягнула пад ваду. Я безнадзейна спрабаваў стукнуць яе і адчапіць ад сваёй нагі. І тут я адчуў, што нешта аддзялілася, болю не было, я проста адчуў, што нешта пакінула маё цела».
Браты дапамаглі акрываўленаму хлопцу дабрацца да берага. І вельмі своечасова, бо акула вярнулася, каб адкусіць ад ахвяры яшчэ адзін кавалак. На шчасце, на гэты раз справа абыйшлася ранай. Хлопца тэрмінова даставілі ў лякарню, і лекары былі вымушаныя ампутаваць тое, што засталося ад яго правай нагі, вышэй калена.
«Спачатку працэс аднаўлення быў складаным. Калі я быў у шпіталі, мне было цяжка сядзець у ложку. Я памятаю, як мне хацелася пачаць рухацца і выкарыстоўваць мыліцы».
Зараз спартсмен ужо цалкам аднавіўся і не толькі навучыўся хадзіць на пратэзе, але і вярнуўся да сёрфінгу. У найбліжэйшы час ён плануе пераехаць у Вялікабрытанію, каб атрымаць ступень магістра. І сапраўды ведае, што нават пасля нападу акулы можна жыць поўным жыццём.
«Я хачу, каб людзі ведалі, што страта нагі — гэта не канец».
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны9
Каментары