Былая жонка найбагацейшага чалавека ў свеце адсудзіла $35 мільярдаў. А магла ў два разы болей
Кіраўнік кампаніі Amazon, найбагацейшы чалавек у свеце Джэф Безас і яго жонка Макензі паведамілі, што прыйшлі да пагаднення наконт падзелу маёмасці пасля разводу. Як вынікае з паведамлення ў твітары, апублікаванага жонкай мільярдэра, пасля раставання яна атрымае больш за 35 мільярдаў даляраў.
У рамках дасягнутага пагаднення Макензі Безас пагадзілася саступіць мужу ўсе акцыі газеты The Washington Post і аэракасмічнай кампаніі Blue Origin. За ёй засталіся чатыры працэнты акцый Amazon (чвэрць сумеснай долі) — іх кошт ацэньваецца ў 35,7 мільярда даляраў, піша Bloomberg. 4 красавіка пара падала хадайніцтва пра развод, афіцыйнае рашэнне чакаецца ў пачатку ліпеня, адзначае Forbes.
Пасля разводу Макензі Безас зойме чацвёртае месца ў рэйтынгу найбагацейшых жанчын планеты па версіі Bloomberg.
Па падліках часопіса, яна апынецца трэцяй у рэйтынгу, саступаючы толькі спадчынніцы касметычнай кампаніі L'Oreal Франсуаза Бетанкур-Мэер (52,9 мільярда даляраў) і дачцэ заснавальніка Walmart Эліс Уолтан (45 мільярдаў даляраў). Джэф Безас з 110 мільярдамі даляраў пасля разводу захавае статус найбагацейшага чалавека планеты.
Раней паведамлялася, што Макензі Безас можа атрымаць і палову ўсіх грошай: каля 67 мільярдаў даляраў.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары