Уладзімір Пуцін гатовы весці перамовы з кіраўніком Украіны пасля выбараў — за выключэннем тых выпадкаў, калі гэты дыялог «спрабуюць абкласьці правакацыямі», заявіў прэс-сакратар прэзідэнта Расіі Дзмітрый Пяскоў, перадае РБК.
«У цэлым Пуцін заўсёды адкрыты для дыялогу, за выключэннем тых сітуацыяй, калі гэты дыялог спрабуюць абкласьці рознымі правакацыямі, спрабуюць, скажам так, упрыгожыць дыверсіямі», — сказаў Пяскоў журналістам.
У выпадках калі прэзідэнта Расіі спрабавалі справакаваць, яго рэакцыя «заўсёды была выразная, недвухсэнсоўная і рашучая», нагадаў Пяскоў.
«Але пры гэтым прэзідэнт Пуцін заўсёды быў і застаецца прыхільнікам дыялогу для вырашэння тых праблем, якія стаяць на парадку дня», — указаў прэс-сакратар прэзідэнта.
Раней аб сваёй гатоўнасці весці перамовы з Пуціным аб спыненні вайны ў Данбасе заявіў лідар перадвыбарчай гонкі ва Украіне Уладзімір Зяленскі. «Вайна з Расіяй, таму трэба гаварыць з Расіяй у прысутнасці заходніх прадстаўнікоў», — сказаў ён.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер12
Каментары