Намеснік сакратара Рады бяспекі Андрэй Уцюрын арыштаваны. Камітэт дзяржаўнай бяспекі завёў у яго дачыненні крымінальную справу.
Спецслужбы апісалі катэдж Уцюрына ў «Драздах-2», аднак гэта не адзіная маёмасць, якой зацікавіліся сілавікі.
Як стала вядома «Нашай Ніве», накладзены арышт і на апартаменты, якія належаць сыну Андрэя Уцюрына.
Антон Уцюрын — сын арыштаванага намесніка сакратара Рады бяспекі. Фота з твітара
Справа ў тым, што пяць гадоў таму, атрымаўшы надзел у Драздах, сілавік падарыў папярэднюю кватэру сыну.
Цяпер 26-гадоваму Антону Уцюрыну належыць гіганцкая кватэра ў элітным доме на вуліцы Язмінавай у Мінску. Плошча жылля — амаль 170 квадратных метраў.
Колькі можа каштаваць такая кватэра? У суседнім доме нехта прадае жыллё такой самай плошчы. Кватэра ацэненая на $550 тысяч.
Элітныя шматпавярховікі на вуліцы Язмінавай. У кожным такім доме ўсяго 8-10 велізарных кватэр. Яны належаць як сапраўдным беларускім зоркам — напрыклад, футбалісту Аляксандра Глебу, — так і прадстаўнікам лукашэнкаўскай эліты. Тут жыве асабістая доктарка кіраўніка краіны Святлана Канашэнка.
Сям'і Уцюрына належыць кватэра ў адным з гэтых дамоў.
Чытайце:
Пяць фактаў пра Андрэя Уцюрына, які 7 гадоў кіраваў службай аховы Лукашэнкі
КДБ пра затрыманне Уцюрына: «Без каментароў»
КДБ арыштаваў Андрэя Уцюрына — намесніка старшыні Рады бяспекі, былога начальніка службы аховы Лукашэнкі
Што пісаў у твітары сын Андрэя Уцюрына пасля затрымання бацькі
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары