Ашмяны і Бяроза: як навучыцца жыць лепш за кошт энергаэфектыўнасці
Не толькі эканомія энергіі, але і змяншэнне выкідаў газу
Ашмяны знаходзяцца за 130 кіламетраў ад Мінска. Ашмянскі раён быў адным з першых у краіне, хто далучыўся да ініцыятывы ЕС — «Пагаднення мэраў» у 2012 годзе. Ужо праз два гады раённымі ўладамі быў падрыхтаваны дакумент па ўстойлівым энергетычным развіцці, у якім былі намечаныя асноўныя шляхі, па якіх Ашмянскі раён будзе ісці для зніжэння спажывання энергарэсурсаў і выкідаў парніковага газу ў атмасферу.
У 2017 годзе Ашмяны і Бяроза перамаглі ў конкурсе Еўрасаюза «Пагадненне мэраў — Дэманстратыўныя праекты». Заяўкі падавалі больш за сто прэтэндэнтаў.
Дзеці просяць бацькоў выключаць святло
«Я — камп’ютар. Пачалі працаваць. Вы пра нас дазнаецеся. І нас зберагаеце», — спяваюць хлопчыкі. Меры энергаэфектыўнасці закладваюць у дзяцей з самага малога ўзросту. У садку цяпер 200 дзяцей.
Эканомія напалову
Праект на ўвесь горад
«Мы плануем, што грошай хопіць на ўвесь горад. Калі не хопіць, то крайнія вуліцы пойдуць на другую чаргу», — расказвае начальнік планава-эканамічнага аддзела Бярозаўскай ЖКГ Дзмітрый Слуцкі.
Чаго чакаюць гараджане?
Дзякуючы новай сістэме асвятлення зменшыцца не толькі колькасць аварый, але павысіцца бяспека патрульна-паставой службы.
«Павінна стаць лепей. Гэта новая тэхналогія. Я збіраюся далей жыць у Бярозе, таму для мяне гэта плюс. Ідзеш вечарам з дзіцём, то часам не бачна нічога, дзіцяці страшна. Калі на машыне едзеш, то таксама можаш не ўбачыць, ці пераходзіць пешаход дарогу ці не», — расказвае Ксенія Харчук, якая гуляе па цэнтральнай плошчы разам з дачкой Алісай.
Любы горад, які далучыўся, ці плануе далучыцца да ініцыятывы ЕС «Пагадненне мэраў», можа ўдзельнічаць у падобных праектах Еўрапейскага саюза. Накіраваны яны не проста на павелічэнне энергаэфектыўнасці канкрэтных будынкаў і аб’ектаў, але паляпшэння якасці жыцця людзей у цэлым.
Гэты артыкул быў падрыхтаваны пры падтрымцы Еўрапейскага саюза ў рамках праграмы EU4Energy. Яго змест з’яўляецца адказнасццю аўтара і ніякім чынам не адлюстроўвае пункт гледжання Еўрапейскага саюза.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары