У Маладзечанскі РАУС паступіла паведамленне ад фельчара хуткай дапамогі. Ён распавёў, што з ранай на галаве ў бальніцу быў дастаўлены 14-гадовы школьнік. У абставінах інцыдэнту сталі разбірацца праваахоўнікі.
Аказалася, п’яны бацька вырашыў правесці з сынам выхаваўчую гутарку. Ён выкінуў дзіцячыя красоўкі на вуліцу. На сварку прыбегла маці, якая заступілася за сына, маўляў, калі выхоўваць, то ў цвярозым стане.
Жанчына ледзь не атрымала ўдар. Маці абараніла дзіця, адштурхнуўшы ў бок бацьку. Бацька дагнаў сына і ўдарыў яго па галаве шуфлікам.
Убачыўшы скрываўленае дзіця, маці аказала першую дапамогу і выклікала медыкаў, але ў міліцыю пра інцыдэнт не паведамляла. Хлопчыка даставілі ў дзіцячую бальніцу. Згодна з медыцынскім заключэннем, школьніку былі нанесены лёгкія цялесныя пашкоджанні.
За тры гады гэта першае паведамленне ў міліцыю пра скандал у сям’і з вёскі Гердуцішкі Маладзечанскага раёна. Раней яна была ў спісе сем’яў, якiя знаходзяцца ў сацыяльна-небяспечным становішчы. Але прафілактычная праца дала свой вынік — бацькі закадзіраваліся, атмасфера ў сям’і наладзілася.
Сям’я зноў рызыкуе трапіць у гэтую катэгорыю і, як лічаць праваахоўнікі, патрабуе пастаяннага кантролю.
У дзеяннях бацькі праваахоўнікамі былі ўгледжаны прыкметы складу злачынства, прадугледжанага артыкулам 153 КК Рэспублікі Беларусь «Прычыненне лёгкага цялеснага пашкоджання». У гаспадарцы ён працуе памочнікам камбайнера.
Цяпер чытаюць
Хто забараняе ў Беларусі кнігі — вось гэтыя 22 чалавекі10
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары