Праезд падаражэў, а талончыкі засталіся. Што рабіць з талонамі, набытымі па старой цане
У Мінску праезд у гарадскім транспарце падаражэў на 5 капеек з 26 снежня. А талоны з указаннем старой цаны працягваюць прадаваць «Мінсктранс» і кіроўцы. У пасажыраў узнікаюць пытанні, піша агенцтва «Мінск-Навіны».
Цяпер талон на аўтобус/тралейбус/трамвай і жэтон у метро каштуе 65 капеек (кіроўцы прадаюць талон даражэй на 5 капеек — за 70 капеек), білет для экспрэс-аўтобусаў — 80 капеек.
Што рабіць, калі засталіся старыя талоны?
Карыстацца. На сайце «Мінсктранса» у раздзеле «частыя пытанні» сказана: старыя білеты сапраўдныя яшчэ 30 сутак з дня павышэння тарыфаў на праезд. Значыць, талончыкі будуць дзейнічаць да 24 студзеня 2020 года.
Абмену належаць
Пасля 24 студзеня 2020 года кіёсках і касах «Мінсктранса» можна абмяняць талоны, набытыя па старых коштах, на новыя. Вось толькі розніцу прыйдзецца даплаціць.
Талоны, набытыя ў кіроўцаў, будуць сапраўднымі
Талоны, набытыя ў кіроўцаў па старых тарыфах (яны даражэйшыя на 5 капеек), раўнацэнныя цяперашнім. Яны сапраўдныя пры аплаце праезду ў тым транспарце, дзе кошт праезду адпавядае пазначаннай на іх цане.
Цяпер чытаюць
Хто забараняе ў Беларусі кнігі — вось гэтыя 22 чалавекі31
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары